Friday, October 9, 2009

Eesh, yum bicheegui yamar udchihsan yumbe

цаг хугацаа яасан хурдан өнгөрч байнаа. Нэг л мэдэхэд хоёр сар болчихсон байна шүү дээ. Энэ хугацаанд манай сонины албанд маш олон үйл явдлууд болж өнгөрсөн. Ямартаа ч бүгдийг нь бичнээ. Одоогийн байдлаар би доороо 12 цэрэгтэй болчихсон ажиллаж л байна. Бөөнөөрөө зугаалгаар яваад амжсан байгаа. Хоолонд хамтдаа орцгоогоод л...

Сонины алба оюутны зөвлөлийг бодвол хамаагүй жаргалтай байна. Дандаа л эерэг үзэл бодолтой хүүхдүүдээс бүрдсэн болохоор хоорондоо ойлголцохдоо хүртэл амар юмаа. Гоё байна.

Wednesday, September 30, 2009

Өнөөдөр энэ дууг 10 дахь удаагаа сонсож байна

"Би ч үгүй"
Тэнгэр цэлмэхгүй мэт бүрхэг байна
Тэндээс салхи над руу үлээж байна
Наран мандахгүй мэт жаргаж байна
Надаас гуниг салахгүй мэт дагаж байна
Чи надаар дутахгүй гээд хол явлаа
Чи надад эрхлэхгүй гээд хол явлаа
Чи намайг хүсэхгүй гээд хол явлаа
Чи надтай амьдрахгүй гээд хол явлаа

"Би ч үгүй"
Тэнгэр цэлмэхгүй мэт бүрхэг байна
Тэндээс салхи над руу үлээж байна
Наран мандахгүй мэт жаргаж байна
Надаас гуниг салахгүй мэт дагаж байна
Чи надаар дутахгүй гээд хол явлаа
Чи надад эрхлэхгүй гээд хол явлаа
Чи намайг хүсэхгүй гээд хол явлаа
Чи надтай амьдрахгүй гээд хол явлаа
Дахилт:
Дүрүрү
Тэнгэрийн үүлс арилан цэлмэлээ
Тэндээс салхи зөөлөн үлээлээ
Наран дээшлэн дээшлэн мандлаа
Надаас гуниг байгаагүй мэт холдлоо
Чи надаар дутахгүй бол би ч үгүй
Чи надад эрхлэхгүй бол би ч үгүй
Чи намайг хүсэхгүй бол би ч үгүй
Чи надтай амьдрахгүй бол би ч үгүй
Дахилт:
Дүрүрү


Tuesday, September 15, 2009

Би тийм азтай хүн юмуу?

Юу ч гэмээр юм бэ дээ. Ойрдоо блогтоо юм бичих ч завгүй...
Ойрдоо их юм бодогдох боллоо.
Оюутны зөвлөлийн даргын ажлаа хараахан өгөөгүй л байна. Сонины алба байгууллаа. Тэнэгхэн охины мөрөөдөл төдий байсан тэр нэгэн хүсэл ийм том зүйл байсныг анзаараагүй явжээ. Доороо 9 цэрэгтэй боллоо. Мэдээж энэ бүхнийг И Хон Ён багшгүйгээр төсөөлөхийн аргагүй л дээ. Хаа очиж би их азтай хүн юмаа. Миний амьдралын зам үргэлж ойр дөт бөгөөд хялбар байх юм даа. Оюутны зөвлөлийн гишүүн нь байж үзээч үгүй байж дарга нь болчихдог, Сонинд нийтлэл бичиж, ярилцлага сурвалжлага авч, мэдээ бичиж үзээч үгүй байж бас л дарга нь болчихдог. \ер нь нэг удаад үзэж байсан. Яруу сэтгэгч сонинд, гэхдээ л ...\
Амьдрал ийм амархан байсан гэж үү? би хэтэрхий олон шат алгасаад байх шиг санагдаад болдоггүй ээ. Бодоод байхнээ хэтэрхий хий алхаад байгаа ч юм шиг...


Хий алхаж байгаагаа мэдэж байгаа болохоор аль болох сул шат үлдээхгүйг хичээж юм юмыг сурахыг л хичээж байна.
Онгирч байгаа ч юм бишээ. Гэхдээ л над шиг ингэж хоёрхон жилийн дотор өдий зэрэгт хүрэх хүн бараг байхгүй л болов уу. Үнэхээр мундаг чадвартай, үнэхээр шилдэг, үнэхээр л сайн байж байж л ийм зэрэгт хүрдэг газар. Гэтэл надад энэ зэрэгт хүрэхэд өчүүхэн ч бартаа саад байсангүй. Бүх зам нээлттэй байсан болхоор би шууд л яваад орсон. Бодоогүй биш, бодлоо л доо.Энэ бүхэнд юу нөлөөлөв гэж? Би тийм азтай хүн юмуу? Эсвэл энэ миний хувь тавилан юмуу? эсвэл ...

Friday, September 4, 2009

Ирээдүйд тэр чинь гэрэлтэн бадрана.

Зорисон зүйлийн эхлэл хэцүү ч
Зориглоод гарсан бол хүрнэ
Итгэл чинь дүүрэн хичээж чадвал
Ирээдүйд тэр чинь гэрэлтэн бадрана.



Thursday, September 3, 2009

Ээ, Золоо... Би орчиил доо гэсээр л.....

Манай оюутнууд одоо л идэвхитэй болж байх шиг байна. Түрүү жил ОЗ-ын дарга хийсэн болохооор танил овоо ихтэй шүү. Даан ч одоо л намайг зовоож байна даа. Ээ, Золоо би танай сонины албанд орчийл доо. гэж гуйсаар л...
Боломжтой бол авмаар л байна. Даан ч хүн нь бүрдчихсэн гэхээр
Ганцхан хүн ш дээ, юу ч хамаагүй хийнэ, авчих л даа гэсээр...
Зөндөө олон оюутнууд ингэж гуйгаад л байна. Тэгэнгүүт нь дор нь сэтгээд л ингэж хэлнэ...

Чамайг авахыг үнэхээр хүсч байна. Орон тоо гарангуут л авна. Түр хүлээж бай за? гэж хэлнэ.
Гэхдээ манай энэ баг нилээн сайн хүүхдүүдээс бүрдсэн болохоор эд нар тийм ч амар байраа тавьж өгөхгүй л болов уу!!!



Monday, August 31, 2009

Сэтгэл догдлоод байна...

Анх удаагаа л 1-р курст ороод хичээлийнхээ анхны өдөрт очиж байгаа юм шиг л сэтгэл догдлоод болдоггүй ээ. Ямар гоё байна. Зунжингаа сургууль дээр өнжсөн хэрнээ өнөөдөр хичээлийн өдөр бүр анх удаагаа л юм шиг гоё санагдаад үнэхээр сайхан байна. за за хичээлдээ орлоо. Дараа үргэлжлүүлэе



Thursday, August 27, 2009

Сонины багт шилдэг сайн хүүхдүүд нэмэгдсээр байнаа гэж

Байж байж нэг орсон Бука эгч зөндөө comment үлдээчихсэн байна ш д. Баярлалаа. Хэ хэ. Ойрдоо ажил үстэй толгой шиг л их байна. Блогтоо юм бичих зав гардаггүй ээ. Өнөөдөр Пүрвээгийн тухай бичмээр л байна. Даан ч залхуу хүрээд, ядраад жоохон тиймэрхүү л байна.

Нойр хүрээд ч байх шиг. Гэхдээ ажил урагштай сайн байгаа. Сонины багт шилдэг сайн хүүхдүүд нэмэгдсээр байнаа гэж... Сэтгэл гоё байна.

Tuesday, August 25, 2009

Баярлалаа хайруудаа!!! Хайртай шүү, бүгдээрэнд нь.

Сонингийн ажил ид эхэлчихсэн явж байна даа. нээх гоё байна.
Өрөөгөө тохижуулаад л... Гэхдээ хэлээ давтаж амжихгүй байна. Яанаа? 2 өдөр Миаг хулхидлаа. Нөгөөдөх чинь одоо боож үхэхэд бэлэн болчихсон байгаа даа. Уучлаарай. Энүүгээр ажил ихтэй л байна. Самбар хийгээд л... Зар гаргаад л...

Нааш цааш гүйсээр байгаад бүр хөлс бурзайчихлаа. Дээрээс нь өнөөдөр Нямкаг гаргаж өгөх гээд л... Зураг хөргөө авхуулаад л.... Нямка-г их санах байхдаа. Дэндүү гоё охин. Дотроосоо гэрэлтсэн, нүднээс нь гэрэл цацраад л байдаг. Хүнийг соронзон шиг өөртөө татаж чаддаг увидас нь юу юм бол доо!!!
За дараа Нямкагийнхаа тухай жич бичнээ.
Баатараа, Нямаа, Баярмаа гуравтаа маш их баярлаж байгаа шүү!!!
Үнэхээр сэтгэл зүрхээ гаргаж байгааг чинь би анзаарч байгаа шүү!!! Ямар гоё юм бэ? цөөхүүлээ ч гэсэн ийм чанартай баг бүрдэж байгаад би маш их баяртай байгаа. Гол нь та гурав байхад манай сонины ирээдүй үргэлж гэрэлтэй байх болно гэдгийг л мэдэж байна. Баярлалаа хайруудаа!!! Хайртай шүү, бүгдээрэнд нь.

Monday, August 24, 2009

Тэгээд ирээд ав л даа

Баатараа: Золоо, 100 төгрөг өгөөч, гялс, хэрэг болоод.
Золоо: бодов. Автобусны мөнгө дутаад байгаан байна даа.
хариулав. За тэг тэг.
100 төгрөг тэгээд болох юмуу? Ахиад авах уу?...

Болноо болно.
Золоо хариулав. За за болох бол ч яахав. Илүүг өгвөл чи тамхи аваад татчих биз?
Май, 100 төгрөг.
Баатараа хариулав: Баярлалаа. Тамхи л авч татах гэж байхад.
Золоо: Хөөе, тэгвэл буцаагаад аваад ир. Яасан муухайн
Баатраа: Тэгээд ирээд ав л даа гэж хэлээд дутаан одов.
Хэ хэ. Анхнаасаа тамхи татна гэдгээ хэлсэн бол би юу гэж өгхөв... Муухай амьтан.

Wednesday, August 19, 2009

тоглосон шүү тоглосон, тоглож л байхад .. Цогоо байлаа.


Энэ эхнэртэйгээ авхуулсан зураг нь. Тоглосон шүү тоглосон, тоглож л байхад чин.

Энэ хооронд Цогоогийн таргалсан миний турсан хоёр яг тэнцэнэ....
Хэ хэ тоглосон шүү тоглосон, тоглож л байхад чин.

Өглөө Цогоо бүүр 8:30-д манай Оюутны Зөвлөлийн өрөөнд орж ирхээр нь гайхлааш д. Манай хүн харин 8 цагийн сургалтанд суух гэж байгаад хоцорсон нь энэ.
Та нар мэдэх үү? Цогоог өглөөний хүн гэдгийг. Өглөө майр эрт босдог юм байна лээ. Хичээлтэй бол, гэрийн даалгавраа хийх гээд л 4 цагт босдог гээд боддоо!!!
Нэг удаа хичээлээ хийх гэж байгаад надад баригддаг юм даа. Би унтаж байлаа. Тэгтэл...


Битгий гайхаараа. Зүгээр нэг удаа хар үүрээр гэрийн даалгавар асуугаад мессеж бичиж байсан санагдана. Тэгээд л би эрт босдгийг нь мэдэж авсан байхгүй юу. Сүүлд асууж, яриа баахан өдөхнээ, өглөөний хүн гэдгийг нь мэдэж авсан бөлгөө.
Цогоогийн надад юу нь аймаар таалагддаг гээч....
Гутал нь. Тоглосон шүү, тоглосон. тоголж л байхад чин.
Нээрээ гутал нь таалагддаг юмаа. Гутлаа ямар гоё арчилж өмсдөг гээч. тэ охидоо? Хумс нь бас таалагддаг. Өнгөггүй лакаар будаад, уруулаа өнгөлчихлөөрөө бүр хөөрхөн харагддаг юмаа. тоглосон шүү тоглосон, тоголж л байхад чин.
Body тэ? Майр булчинтай. Аймаар донжтой хувцасладаг гэж яридаг юм байна лээ.
Надад лав Энэтхэгийн Кино Од шиг харагдаад байдаг юм. Шил зүүхээрээ яг л нэг алдартай кино од шиг. дуучин ч юм шиг.
Нилээн эерэг залуу бололтой. Гаднаасаа майр их зантай харагддаг ч тулаад яривал үнэн дажгүй. Гадна харагдаж байгаагийнхаа яг эсрэг хүн. Ер нь тэгж хэлбэл хэн ч санал нийлэхгүй байх даа. Өөрөө харин юу гэж боддог юм бол доо.

Нэг номерт сонин байх ёстой!!!

Сонины ажил эхэлчихсэн чинь ерөөсөө зав гардаггүй ээ. Ойрдоо блогтоо бичлэг хийж амжихгүй л явна даа. Дипломын ажлаа тэр чигт нь хаячихлаа. Өнөөдөр яахав дээ сайхан л өдөр байна. Сонины хүүхдүүд сайн цуглахгүй л байна. Нямаатайгаа л хоёулаа өнжиж байна даа. Баярмаа ирж амжихгүй л гэнэ. Пүрэвсүрэн эмнэлэгт үзүүлэнэ л гэнэ.Хэдэн ч өдөр үзүүлдэг юм бүү мэд. Буянаа ор сураггүй дээ. холбогдохгүй л байна. Сайн дурын ажил нь дуусаагүй л байгаа бололтой. Баатраа гуай унтаж унтаж үдээс хойш л ирэх юм даа. Шалтаг нь нойрны хэмнэл солигдсон гэнээ. Нөхдүүдээ...

Нөхдүүдээ, ирэх долоо хоногийн нэг дэх өдрөөс эхлээд бүгд цугладаггүй л юм бол ирээгүй хэнийг ч гэсэн шууд л хасах болно шүү!!! Бүх эрх мэдэл надад байгаа. Хэнийг хасч хэнийг авах нь миний л эрх. Сонингийн ажлаа нэг номерт л тавих хэрэгтэй. Бусад ажлууд чинь 2 дугаарт байх ёстой гэж би нэг биш удаа хэлсэн шүү!!!
Энэ та бүгдэд хэлж амжаагүй сүүлийн сануулга байлаа.
Хайртай шүү бүгдэд чинь.


Tuesday, August 18, 2009

Голомт банкны жил бүр 100 оюутанд логодог тэтгэлгийн талар

Танилцуулга

ГОЛОМТ банк их дээд сургуульд амжилттай сайн суралцахын зэрэгцээ эрдэм шинжилгээ, судалгааны ажилд тодорхой амжилт гаргасан, төрөл бүрийн уралдаан тэмцээнд идэвхтэй оролцож зохих үр дүнд хүрсэн, оюутны зөвлөл болон нийгмийн аль нэг салбарт сонгуульт ажил гүйцэтгэдэг, чадварлаг мэргэжилтэн болохын төлөө шамдан суралцаж байгаа шилдэг оюутныг дэмжих зорилгоор Голомт банкны нэрэмжит тэтгэлэгт хөтөлбөрийг 2004 оноос эхлэн хэрэгжүүлж ирсэн.

Хэрхэн шалгаруулах вэ?
Шалгаруулах хугацаа: Жил бүрийн 10-р сард
Тэтгэлэг авах боломжтой оюутны тоо: 100
Тэтгэлгийн хэмжээ /жил/: 400 000 төгрөг

Тэтгэлгийн олгогдох хэлбэр :Сар болгон стипент хэлбэрээр, оюутны хөнгөлөлтийн ВИЗА картанд шилжүүлнэ.


Тавигдах шаардлага:
Мэргэжил: Магадлан итгэмжлэгдсэн их дээд сургууль байх. Мэргэжил харгалзахгүй.
Курс: 3-аас дээш курс
Сурлагын голч дүн: 3.5 ба түүнээс дээш эсвэл 92 % ба түүнээс дээш
Тусгай шаардлага: - Оюутны эрдэм шинжилгээ, судалгааны ажилд тодорхой амжилт гаргасан эсвэл шинжлэх ухааны тодорхой сэдвийн хүрээнд бүтээл туурвисан байх - Нийгэм, олон нийтийн ажил, урлаг, спортын аль нэг төрлөөр тодорхой амжилт гаргасан байвал сайн - Аль нэг гадаад хэлийг ахисан түвшинд эзэмшсэн байх


Ямар материал бүрдүүлэх вэ?
--
Анкет (загварын дагуу)
-- Өргөдөл (загварын дагуу)
-- Сургуулийн албан бичиг, тодорхойлолт
-- Сургалтын албанаас баталгаажуулсан албан ёсны дүнгийн жагсаалт
-- Албан ажлын шугамаар өөрийгөө сайн мэдэх 2 хүний тодорхойлолт
-- Эрдэм шинжилгээний бүтээл, илтгэлийн жагсаалт эсвэл спорт, урлагаар амжилт гаргасан бол гэрчлэх үнэмлэх, дипломын хуулбар
-- Эзэмшсэн гадаад хэл дээр өөрийн ирээдүйн зорилго зорилт, мэргэжил, сонирхлын талаар 250-аас доошгүй үгэнд багтаан эссэ


Харин 2009-2010 оны тэтгэлэгт хамрагдхыг хүсвэл 2009 оны 9-10 сарын хооронд материалаа бүрдүүлж өгөх нь байна. Манайхаан материалаа бүрдүүлж өгөөрэй.




Saturday, August 15, 2009

Шийдэл нь юу байсан юм бол

Өчигдөр нэг сургалтанд сууж байлаа. Дэндүү онол яриад байсан болхоор нойр хүрээд, хамгийн хойд талын суудалд суучихаад л цаасан дээр элдвийн зүйлс сараачиж суулаа.
Яагаад зурснаа мэдэхгүй байна л даа. Эхлээд нэг хөөрөн дугуй зурж байснаа нүд хамар ам хийгээд л, дараа нь муухай болчихоор нь тойруулаад сараачиж гарлаа. Тэгээд доош нь харуулчихлаа.
Хажууд сууж байсан нэг залуу миний сараачсан зүйлийг анзаарсан бололтой.
-Уучлаарай, би чиний саяын зурдаг зураг дээр тайлбар хийж өгөх үү? гэлээ
надад их сонирхолтой санагдлаа л даа.
-Энэ дээр үү? гээд цаасаа өргөж асуугаад,
-"За тэг тэг " гээд өгчихлөө...
-Чи яагаад энэ зургийг зурсан бэ?
- Мэдэхгүй ээ, Зуръя гэж ч бодсонгүй, зүгээр л санаандгүй зурчихсан. Миний гар л....
Нөгөө залуу хэсэг зуур ажиглаж байснаа.
- Чи одоо сэтгэл санааны асуудалтай байгаа юм байна даа. Нээлттэй байж сур... өөрийгөө битгий хорьж бай, ....................
-Чамд одоо тийм санагдаж байна уу? Чи тэгдэг юм байна, чиний байдал одоо тийм байна гээд л....бөөн сэтгэлзүйн дүгнэлт хийж гарлаа.
Би ч дуугүй л хэлсэн бүхэнд нь толгой дохиод л сууж байлаа.
-За яав? таарч байна уу
-Яахав ээ?, 80 хувьтай байна.
Залуу инээмсэглээд багшруу харлаа
-Харин би тэр сараачсан цаасруугаа ширтэж өөрийгөө илэрхийлсэн байснаа ойлгож суулаа.
- Хөөе, 80 хувь бишээ, 99% таарч байгаа шүү. гэж хэлээд ангиас гарч явлаа...





Friday, August 14, 2009

- Unknown Virus!

Программчин эр ажлаасаа тарж ирээд эхнэртэйгээ ярилцаж байна. Нөхөр:

- Good evening dear, Im now iogged in. Эхнэр:
- Чи талх авсан уу?
- Bad command or filename.
- Би чамайг ажилдаа явахад чинь л захисан биз дээ.
- Erroneous sytax. Abort?
- Мартаснаас шинэ зурагт авах юм болоод байсан яасан бэ?
- Variable not found…


- Тэгвэл ядаж надад зээлийнхээ картыг
өгчих. Би өөрөө дэлгүүр явъя.
- Sharing Violation. Access denied…
- Чи надад хайртай юмуу эсвэл тэр
өөрийнхөө компьютерт хайртай юмуу. Эсвэл бүр намайг доромжлоод байгаа юмуу.
- Too many parameters…
- Чам шиг юмтай хэрэгг
үй л сууж дээ.
- Data type mismatch…
- Чи ер нь д
үйнгэ нөхөр л дөө
- Its by Default.
- Ингэхэд цалин чинь буусан уу?
- File in use… Try after some time..
- Ингэхэд чи ер нь намайг хэн гэж бодоод байгаа юм бэ?
- Unknown Virus!



Rea more той болж байна шүү

Юм бичихээр аймаар урт сунаад
Тэгээд Read more холбоосыг хийе гэж бодлоо. Үүнийг хийхийн тулд
кодоо нэмж засварлах ёстой байдаг юм байна.


Тэгээд арай гэж нэг болгох шиг боллоо.
Энд туршилт явагдаж байна.



Өнөөдөр Хүрээ дээр 150 гаруй зочид төлөөлөгчид ирнэ.

Мэдсэн бол гоё хувцастай ирдэг байж. Хэ хэ
Одоо 13:00 цагаас С21т PAUA болох юм байна. Пан Азийн Их Сургуулиудын Холбооны чуулга уулзалт. Тус уулзалтанд их дээд сургуулиудын удирдлага төлөөлч нар ирэх юм байна. Нилээн сүртэй л юм болох шинжтэй. Өчигдөр PAUA гэсэн бичигтэй автобуснууд хотын төвөөр цуварч байсан сурагтай. Ойролцоогоор 150 гаруй зочид төлөөлөгчид ирэх юм байна.




18:00 хүртэл хуралдаад оройн зоогоо манай сургууль дээр зооглох юм байна. Гуанзны эгч нар ч бөөн завгүй, хөл хөдөлгөөн ихтэй л байх шиг байна.
Аль хэдийн NTV-ийн машин манай сургуулийн хашаанд ороод ирчихсэн байна.


Өнөөдөр ч сургуулийн хашаа дүүрэх шинжтэй.
Ер нь манай сургууль овоо нэр хүндтэй болоод байгаа шүү. Ойрдоо гадна дотны байгууллагууд С21-т үйл ажиллагаа зохион байгуулах нь их болоод байгаа.
Улсын Ерөнхий шалгалтыг манай сургууль дээр авсан, бас энэ зун Баянгол дүүргийн цагдаагийн ерөнхий газрын урлагийн наадам, уулзалт хурал зохион байгуулагдсан. гэх мэт.

Thursday, August 13, 2009

Даахгүй нохой булуу хураажээ

Яах уу?
Сонин гаргах ч амаргүй ажил бололтой. Ямар хэцүү юм бэ? Одоо л шантарч байна . Хийж үзээгүй байж сонсоод л шантарч байна. Өнөөдөр сэтгүүлчийн чиглэлээр сурдаг нэг охинтой уулзаж баахан юм асууж, зөвөлгөө энэ тэр авлаа. Сонсоод л настр навс уначихлаа.
Ангиараа буюу 20 гаруй хүүхдүүд нийлж сард нэг сонин гаргадаг байсан гэнээ. Бас хэвлэлийн эхийг нь өөрсдөө бэлддэг байсан гэж байна. Онцлог нь тэд нар мэргэжлийн хүүхдүүд гээд боддоо.

Тэгсэн би яав? Мэргэжлийн байтугай огт эсрэг мэргэжлийн хүн, дээрээс нь зургаахан хүүхдүүд цуглуулчихсан, хэвлэлийн эх бэлтгэгч ч байхгүй. Юугаа бодож энэ өрөөнд суугаан бол доо. Ядаж байхад удахгүй дипломын ажилдаа орно.

Одоо яанаа? Даахгүй нохой булуу хураана гэдэг үг байдаг билүү? тийм л болчихоод байх шиг байна даа.

Бодит байдалд сонин лав 9 сард гарахгүй,
бас 10 сард ч гарахгүй.....

Wednesday, August 12, 2009

Бат-Эрдэнэ буюу Баагийгийн хүргэн болхоо шахсан паян


Би ер ангийн банди нараас Баагийг хамгийн сайн мэддэг нь байх шүү. Баагийгийн нэг гэр нь манай тийшээ байдаг байхгүй юу. Адилхан автобусанд суудаг болхоор заримдаа бид хоёр хамт явхаараа юм юм л ярина. Хамт байхад ерөөсөө ч уйдана гэж байхгүй. Санаанаас ердөө ч гардаггүй нэг дурсамж байдаг юм. Хорооллоос 21-т суугаад 13 дээрээс дамжаад 32-т суудаг байхгүй юу. Тэгээд замын турш юу ярисанаа сайн санахгүй л байна. Үхтлээ инээж байснаа л санаж байна. Тэгсээр байгаад Баагий

буухаа мартаад 32-ийн эцэс хүртэл надтай юм яриад явсан байсан. Тэ? Тэр үед юу ярисан юм бол? Санаж байна уу Баагий?
Намайг нэг цаг гаруй тасралтгүй инээлгэж байсныг нь л санаж байна.
Ер нь тэ? Яг хамилон гэсэн үг. Ямар ч орчинд хэнтэй ч зохицож чаддаг. Тэр бол яахав нэг том давуу тал шүү. Харин миний хамгийн, хамгийн, хамгийн дуртай зан нь юу гээч....
Яг хүний төлөө гэсэн сэтгэлтэй. Нэг хүнд ч гэсэн чадах чинээгээрээ тус болохыг хүсдэг занд нь би татагдаад байдаг юмаа. Надад бүр зөндөө олон юман дээр ажиглагддаг байсан. Найз тэгж гуйгаад тэгэхгүй бол, эгч тэгээд, ах тэгээд, дүү тэгж гуйгаад гээд л.... баахан хүний гуйлтыг биелүүлэх гээд л бүх сэтгэлээ зориулчихдаг хүн байна лээ. Заавал тусалж байж санаа нь амардаг хүн. Бусдын төлөө өөрийгөө зориулж чаддаг зан нь хамгийн авууштай бөгөөд хүн бүрт байдаггүй хамгийн эрхэм зан юм шигээ.
Би лав тийм бишээ. Бүр онцгой хүн биш л бол ер нь би чамд туслаж чадахгүй нь ээ, Үгүй, сайн чадахгүй ээ, өөрөө хий, чи чаднаа гээд л хүмүүсийг түлхээд байдаг.
Одоо харин Баагийгаас суралцаж байгаа. Аль болох чадхынхаа хэрээр л бусдад туслахыг боддог болсон. Баагийгаас их зүйлийг сурч байгаадаа их баяртай байдаг. Хүн чанар, хөгжилтэй алиа байхыг, өгөөмөр байхыг, тусч байхыг, үнэнч байхыг гээд ер нь зөндөө олон зүйлсийг би түүнээс суралцахыг хичээдэг. Миний үлгэр жишээ авдаг хүмүүсийн нэг шүү!!! Баагий, би чиний ээжид хайртай. Чамд ч гэсэн жохон хайртай л даа.
Аан тий, нэг хөгжилтэй зүйл болсон. Ээж аав хоёр хүргэнээ гэж андуураад бөөн юм болсон. Нэг орой, Дүүгийнхээ төрсөн өдөрт өгнө гээд зургуудаар нь клип хийчихсэн хар орой CD дээр бичээд өг гээд манайд хүрээд ирдэг байхгүй юу. Ямар гадаа зогсоолтойн биш гээд гэртээ оруулчихсан биш дараа нь би гэрийнхэндээ тайлбар тавих гэж бөөн юм болсон. Урьд нь ээж аав хоёртой Баагий бид хоёр автобусанд хэд хэд таарч байсан болхоор мань хүн нүдлэгдчихсэн байдаг байхгүй юу. Notebook- ээ Баагийд дандаа бариулчихдаг болхоор автобусанд тэгээд зогсож байтал аав харчихаад нүдээ том том болгоод л....
Дараа нь шинэ жилээр ээжтэйгээ үсчинд сууж байтал, надад эгчийнхээ плажийг авчирч өгөөд бас нэг сэжиг төрүүлчихсэн.
Ээж гуай ч бишдээд л... Нэг л хэл нь загатнаад байгаа бололтой. Золоо энэ чиний найз банди биш юм уу? гэж авдий.....
Би гэдэг хүн чинь бөөн тайлбар тависан даа. Баагийг ийм зантайг яахин мэдэх билээ. Одоо заримдаа асуудгий. Нөгөө манайд ирээд байдаг, нөгөө чамд плаж авчирч өгдөг банди байгаа юу гээд л... хэ хэ . Хөгжилтэй байгааз?

Гэхдээ ангийнхны тухай бол ч өөр хэрэг шүү.

Ёооох, үнэндээ нийтлэл бичих аймаар хэцүү юмаа. Та хэд зүгээр нэг сэдэв сонгоод нийтлэл бичих гээд үздээ. Тархи яг л ажилладаггүй робот шиг. Толгойд олигтой юу ч орж ирэхгүй юмаа. Ёстой ажиллахгүй юм.
Гэхдээ ангийнхны тухай бол ч өөр хэрэг шүү. Зөндөө их бичих юм байдаг байхгүй юу. Өнөөдөр Баагийгийн тухай бичдэг ч юм билүү. гоё шүү. Манай анги.

Tuesday, August 11, 2009

Хөөрхөн кондуктор

Өглөө автобусандаа суутал кондуктор эгч билет тасласаар надруу дөхөж ирлээ. Өөрийн эрхгүй ямар хөөрхөн кондуктор вэ? гэж бодох зуур мөнгөө гаргаж өглөө.
Үнэхээр царайлаг юмаа гэж бодоод дахин хартал хажууд байсан ах гуай бас түүнийг ширтэн сууна.

Бодвол надтай ижил бодолтой байсан бөгөөд түүний хөөрхөн царайнаас нүдээ салгахыг ч хүсээгүй биз дээ. Тэрхэн үед
"Гоо сайхан ертөнцийг аврана." гэсэн үг тархинд харван орж ирэв. Бодолд автав. Гоо сайхан ертөнцийг авардаг байтал энэ хөөрхөн кондуктор өдрийн турш хоёр хөл дээрээ зогсон элдвийн хүмүүст билет таслах нь ямар авралгүй ертөнц вэ? гэж бодход хүргэв...
Ийм хөөрхөн байж кондуктор хийгээд зогсож буй түүний энэ хувь тавилангийн буруутан нь магадгүй өөрөө байсан бизээ.
Азгүй л байна даа гэсэн бодол төрлөө.
Түүний толгойд юу байдаг бол? Тэр оюутан байхдаа ямар охин байсан бол? Хичээл номоо хийдэг байсан болов уу? Эсвэл өдөр бүр болзоонд явж ...
Түүний одоогийн мөрөөдөл зорилго нь юу юм бол?
Яагаад кондуктор хийж байгаан бол? гэсэн түмэн бодол толгойд эргэлдэнэ.


Эцэг эхээс түүнд хөөрхөн царай заяажээ. Гэхдээ түүний хөөрхөн царай ертөнцийг биш юмаа гэхэд өөрийг нь аварсан уу? гэдгийг бодох л хэрэгтэй.

Эмэгтэй хүн гаднаасаа гоо үзэсгэлэнтэй байхын сацуу дотроосоо гэрэлтэж гэмээн төгс гоо үзэсгэлэн бүрддэг гэсэн үг байдаг даа.
Гадна арьс дангаараа байвал жаргалд бус зовлонд л хөтлөнө. Харин дотоод гоо үзэсгэлэн дангаараа таныг аз жаргалтай болгож чаддаг.
Гэхдээ дотоод гоо үзэсгэлэнгээ хүн өөрөө л цогцлоох ёстой байдаг.
Яаж гэж үү? Яаж гэдгийг өөрөөсөө асуух хэрэгтэй. Хариулт таны дотор байдаг юм.
Ухаантай бай!!! Ном унш л даа. Ном уншсан хүн ухаантай болдог юм. Үнэхээр номноос хүн асар ихийг ойлгож чаддаг. Ухаарлыг авч чаддаг.
Ном унших тусам чи өөрийгөө илүү ойлгож ямар юу ч мэддэгүй өчүүхэн тэнэг вэ? Гэдгээ ойлгоно.
Юу ч мэддэггүй хүнд л бүх зүйлс болоод байгаа юм шиг санагддаг юм. Бүх юмс ойлгомжтой ч юм шиг.
Харин улам бүр мэдлэг авах тусам чиний мэдэхгүй, ойлгохгүй зүйлс улам бүр л нэмэгдээд байдаг юм. Тэр хэмжээгээрээ чи өөрийгөө юу ч мэддэггүй гэдгээ ойлгож улам бүр даруухан болох шаардлага гардаг.
Их мөрөн дөлгөөн гэдэг үг байдаг. Тиймээ миний хэлэх гэсэн санаа энэ.
Өөртөө хэт бардаж, ихийг мэддэг царайлж, элдвийн зүйлсийг амныхаа зоргоор ярьж байгаа нь таныг их мэдлэгтэй гэдгийг бус харин юу ч мэддэггүй хоосон толгойтойг чин л илтгэж байдаг. Би юунаас их айдаг гэдгийг мэдэх үү? Эдэв долоон юм чалчиж байдаг хагархай хэнгэрэгнээс биш чимээгүйхэн инээмсэглээд сууж байдаг тэр даруухан андаасаа айдаг. Чимээгүй байх нь заримдаа асар ихийг хэлж байдаг юм.
Охидуудаа, хайран цагаа элдвийн хов живийг ярилцан өнгөрөөж байтал оюутан байх эрх нэг л мэдэхэд дуусдаг юм. Аливаа зүйлд хэмжээ хязгаар гэж байдаг. Тунг нь тааруулж байвал бүх зүйлс аяндаа болноо. Манай Хүрээгийн хөвгүүд покер тоглож, PC-нд өнжих зуур охидууд маань ам хуурайгүй элдвийг ярилцаж хөхрөлдөн суух нь арай дэндээд байна уу гэж бодсон юм. Энэ чигээрээ үргэлжлээд байвал Хөөрхөн кондукторын түүх хэзээ ч дуусахгүй шинээр төрөн гарсаар л байх болно....
Зун болсон бол өвөл болдог юм. Гэхдээ намар нь сайн бэлтгэлээ базаавал өвлийн улирал үнэхээр гоё шүү!!!



Monday, August 10, 2009

Гурван жилийн дараа гэнэт ухаан ордог тэгээд нэг жил нь диплом авахын тулд шар махтайгаа хатна.


Хүрээ Дээд Сургуулийн жирийн нэгэн оюутан залуу, хичээлээ тараад юу хийдэг бол? гэж ер бодож байсан уу?
Хичээл эрт тарчихлаа, ашгүй дээ цонхтой гэнээ.... гэсээр ангиасаа уван цуван гарч буй залуус хаашаа тэгтлээ яарна вэ?
Нөгөө л Бадмаараг, Нөгөө л Төгөлдөр , Нөгөө л Үүрээгийн PC.
Энэ гурван газар эргэлдсээр өдрийг барна. Маргааш нь энэ бүхэн яг л адил давтагдана. Заримдаа бүр хичээлээ таслаад покер тоглож, PC-нд өнжих нь ёс юм шиг.
Хоног өдрүүд өнгөрсөөр... Нэг мэдэхнээ төгсөх болчихсон байгаагаа ухаарна. Дөрвөн жил ямар хурдан юм бэ? гэж худлаа баахан цагийн хойноос харуусана. Үнэндээ цаг хугацаа биш өөрөө усран өнгөрч буйгаа ч үл анзааран гаслана. Цаг хугацаа хэзээ ч урсаж алга болохгүй эцэс төгсгөлгүйгээр үргэлжлэх болно, харин хүмүүн бидэнд хязгаар бий.
Сурсан мэдсэн юм байна уу? Төгсөөд яана даа? гэсэн бодол хүн бүрийн толгойг гашилгана.

Одоо дипломын ажлаа яаж хийнэ дээ? Гэсээр сэдэв сонголттойгоо тулгарна. Үстэй толгойгоо зулгайж, шар махтайгаа хатаж сургууль дээрээ хонон өнжин байж хугацаанд нь багтааж дипломоо хамгаалах цагтай тулгарна. Хүссэн хүсээгүй төгсөхөөс хойш гээд нэг сэдэв сонгоод хийсэн болдог.

Юу вэ? Бид гурван жилийг дэмий урсган өнгөрүүлж үлдсэн ганц жилээ дипломоо авахын төлөө зүтгэсээр дуусгаж байгаа юмуу?
Тэр диплом тэгээд хэнд хэрэгтэй гэж?
Боддоо!!! Одоо дипломын дүнгээр хүнийг үнэлдэг цаг аль хэдийнэ өнгөрснийг бид бүгд мэднэ. Гэхдээ дипломоо аваад төгсөнө шүү!
Тэгээд төгсөлтийн баяраа хийж дуусаад нэг сайхан наргиж аваад амьдрал гэдэг зовлонгийн далайд унчихаад ажил ажил гээд л ....
Ажил олдохгүй байна. Юу ч хамаагүй хийж гарна. Удалгүй
оюутан байхад сайхан байж дээ гээд л дурсаж эхлэнэ.

Энэ бүгд жил бүр л давтагдана. Аргагүй шүү дээ.
Яагаад гэдгийг мэдэх үү? Яагаад гэвэл би дээр хэлсэн байгаа. Гурван жилийн дараа гэнэт ухаан ордог тэгээд нэг жил нь диплом авахын тулд шар махтайгаа хатна.

Оюутнуудаа !!! жоохон бодитойгоор сэтгэх цаг одоо болсон. Хоёр биш юмаа гэхэд нэг алхмын цаад талыг харж явбал бидэнд илүү дэмтэй байх болноо. Одоо шинэхэн оюутан болж байгаа залуустаа хэлэхдэд Ах эгч нарынхаа алдааг битгий давтаарай. Алдаан дээр нь суралцаад гар, хийгээгүй зүйлийг нь хийгээд гар, мэдээгүй зүйлийг нь мэдээд гар. Тэгэвэл дээрхтэй адил ирээдүй таныг дайрч биш тойрч гарах болноо.

Намайгаа сайн шүүмжилж comment сайн үлдээж байгаарай.

Өнөөдрөөс эхлээд "Миний нийтлэл" буландаа өөрийн бичсэн нийтлэлүүдээ тавьж байх болно.
Дөнгөж сурч байгаа болхоор сайхан муухайдаа гол нь биш, бичих нь л чухал байна.
Намайгаа сайн шүүмжилж comment сайн үлдээж байгаарай.
Хүндэтгэсэн Л. Золзаяа

Thursday, August 6, 2009

Living with a aim.


Living without aim is like sailing without a compass.

J.Ruskin.

Wednesday, August 5, 2009

Би ерөнхийлөгчөөр загнуулаад илүү эрч хүчтэй болчихлоо...


Нэг мэдсэн өөрийгөө өрөвдөөдөөд сууж байх юм.
"Өөрийгөө өрөвдсөн хүн хамгийн өрөвдөлтэй байдаг" гэсэн үг байдаг даа.
Ядраад байна, өлсөөд байна ч гэх шиг , амармаар байна гэсэн юм бодоод л сууж байхдаа түүнийг гэнэт саналаа л даа.
И Мён Баг ерөнхийлөгч миний хажууд байсан бол доогтой нь аргагүй инээгээд
"Золоо, Наадахыг чинь ядрах гэдэггүй юм. Чи намайг яаж амьдарч байсныг мэднэ дээ. Би чиний оронд байсан бол энэ үгийг дахиж хэзээ ч хэлэхгй байх байсан. Чи ямар залхуу хүн бэ? Ичээч чи, ийм юм ярьж байхаасаа!!! Чи юу хийсэн гэж ядарлаа гэж хэлж байгаан? Чи ямар арчаагүй хүн бэ? Чи ер нь юу хийсэн болоод, ямар үр дүнтэй болоод, яасан гэж ийм үг хэлж байгаан бэ? Би чиний насан дээр ядрана гэж юу байдгийг мэдэх ч сөхөөгүй ажиллангаа сурч, усаар гэдсээ цатгаж явсан хүн. Чи ямар цамаан зантай юм бэ? Яадаг гэнээ? Дахиж миний дэргэд ийм зүйл яриад үзээрэй!!!" гэж ирээд л намайг зөндөө загнах байсан байхдаа. Ийм нэгэн сонин бодол толгойнд зурсхийн орж ирлээ.
Би ерөнхийлөгчөөр загнуулсан болхоороо илүү эрч хүчтэй болчихсон ч юм шиг. Бие нэг л хөнгөрөөд, Тэр хүнээс асар их эрч хүчийг авах шиг.
Одоо юун ядрахтай мантай. Гэдэс ч дугархаа байчихлаа. Хэ хэ

За за ямартай ч И Мён Баг ерөнхийлөгчийн "Ажлаар амьсгалсан он жилүүд" гэдэг номыг заавал уншаад үзээрэй. Ялангуяа өөрийгөө их өрөвддөг хүмүүс , ядарлаа энэ тэр гэж баашилдаг хүмүүс, над мэтийн хүмүүс уншаад үзэхэд өөрсдийнхөө баттерейгаа Full болтол нь цэнэглэж чадах байхаа гэж бодлоо. Ёоох. Урагшаа.

Tuesday, August 4, 2009

Үнэндээ үргэлж чамайг санасаар,өдөр өдрөөр үхэж байна.

changed by Zozoloo.

Сайн байна уу залуу минь
Саарал өдрийн
Саарал мэндийг хүргэе
Гунигтай өдөр байх чинь
Гадаа бороо асгараад
Гудамаар хүмүүс гүйлдээд
Миний үймсэн сэтгэл шиг
Чиний явсан өдөр шиг
Бороотой өдөр байна.

Би яахав
Бардам зандаа хүлэгдээд
Баяртай ч гэж хэлж чадаагүйдээ
Буцаж ирэхгүйг чинь мэдсээр байж
Бууж өгөөгүй зүрхэндээ
Буруугаа чихээд амьдарч л байна би

Танихгүй юм шиг зөрөх болгондоо
Тарчилж шаналдаг өдрүүд дундуур
Тавилан юм чинь тэсэх л ёстой гээд
Тайтгарч заримдаа мартсаар
Амьдарч л байна

Чи намайг мартсан уу...
Би чамайг мартсаан
Мартсан ч гэж дээ... Өөрийгөө хуурсаар
Маргааш маргаашаар амьдарч л байна
Үнэндээ үргэлж чамайг санасаар
Өдөр өдөрөөр үхэж байна...


Манай ангийнхан ингэж л амарч байна даа




Ангийнхныгаа 10 хуруу шигээ мэддэг байх хэрэгтэй шүү та нар!!!
Ямар ч байсан хөвгүүдийн 60% нь 204 т өдрийг өнгөрүүлж байна. Охидууд ч яахав дээ байнга уулзаж, холбоотой байгаа болхоор сайхан байна өө. Миа бид хоёр С22 т өдрийг өнгөрүүлж, Номио лагартаа, Заяа ши хааяадаа бид хоёр дээр ирж очин яваад л...Доноо хөдөөгүүр зугаалаад л, Жанка маань БаянӨлгийрүүгээ явцан, Сайнаа маань Солонгосдоо л байна.
Бином, NB, Нэгэн Залуу, Ертөнцийн 3 атаархмаар, Ертөнцийн гурван өхөөрдөм нар сургууль дээр л өнжиж байна. Ертөнцийн гурван сонсмоор C1 телевизед хоолойгоо үнэлхээр явсан. Аз жаргалтай төгсгөл Хаан банкинд дадлагаа хийж байгаад саяхан дууссан. Тэнгэрийн бүсгүй хөдөө ажил хийж байгаа, Ертөнцийн гурван баян маань дадлагаа сайн хийсэн болхоор үргэлжлүүлээд л хийж байгаа. Их л завгүй юм шиг байна. Ингэж бичвэл хэн нь хэн гэдгийг таниж байгаа биз дээ? Ганцхан
Сунсүжин ор сураггүй байх шив дээ. Суугийгийн талаар мэдээлэл байвал comment үлдээнэ үү!!!
Хаана яваа болдоо !!!

What should i do


Өнөөдөр миний ажлын бүтээмж 88% буурсан байна.

Залхууралгүй хэрхэн өөрийгөө дайчилж ....



Залхууралаа ялан дийлэх арга зам
Залхуурал - Таны амжилтын дайсан!

"Үлбэгэр байдал, залхуурал нь сэтгэл болон биеийн илэрхий доройтол юм"
(Виссарион Григорьевич Белинский-аас)
"Танд бүх нөхцөл бололцоо, боломж нь байхад ямар нэгэн зүйлийг хийж бүтээж чадахгүй бол юу хийх вэ? Залхууралгүй хэрхэн өөрийгөө дайчилж бололцоогоо бүрэн ашиглах вэ"



Залхуурал нь амжилтанд хэрхэн нөлөөлдөг вэ?
Нэгэн бодит баримт: Эрдэмтэд залхуурал болон хөдөлмөрийн бүтээмжийн хоорондын уялдаа холбоог туршилтаар тодорхойлон дараах дүгнэлтэд хүрсэн байна.

өдөрт 1 цаг залхуурвал - ажлын бүтээмж 28% буурна!
өдөрт 2 цаг залхуурвал - ажлын бүтээмж 63% буурна! !
өдөрт 3 цаг залхуурвал - ажлын бүтээмж 88% буурна ! ! !
1 минут залхуурахад л Та амьдралынхаа 2 минутыг үр дүнгүй алддаг.


Минут тутмын залхуурал нь Таны хүлээн хүсч байгаа зорилтоос 200%-аас илүү хурдтайгаар холдуулна.

Хэрвээ Таны өөртөө олгосон сул зогсолт буюу амралт тань хэдий чинээ удаан үргэлжлэнэ, төдий хэмжээгээр Та ажилдаа төвлөрөхгүй бөгөөд таны хөдөлмөрийн бүтээмж мөн хэмжээгээр сулрах буюу ашигт үйлийн коэффициент буурна. (КПД - ашигт үйлийн коэффициент - КОЭФФИЦИЕНТ ПОЛЕЗНОГО ДЕЙСТВИЯ) Дээрхи үзүүлэлтүүд нь улс орны хэмжээнд (хувь хүнд) хэрэгжүүлээгүй бизнесийн төслүүд (таны төлөвлөгөө) болон олоогүй мөнгөний хэмжээг бодоход хүргэж байгаа биз.

Та хойш суусны хэрэггүй!

Залхуурал нь нэг зан чанар хэмээгддэг. Гэтэл энэ нь биш. Залхуурал бол хүний нэгэн сул тал.

Залхууралтай тэмцэж ч болно, бас тэмцэх ч хэрэгтэй. Өөртэйгээ тэмцэх биш, залхуутайгаа тэмцэх хэрэгтэй гэдгийг дурьдая.

Ажил хэрэгч хүмүүст зориулаад залхууралтай "Залхуурлын эсрэг" сургалтыг санал энд санал болгов. Залхууралтай амжилттай тэмцэх сэтгэлийн зориг, хүсэл тэмүүлэл, шантрахгүй чанар Танд хэрэгтэй. Яг одоо өөртөө зорилгодоо хүрэхийн тулд өөрийнхөө бүхий л чадвар, чадлыг зориулах болно гэж амлаарай. Залхууралтай тэмцэх бүхий л чадвар, чадал шүү.

За эхэлье!

Алхам 1. Чин эрмэлзлэл.
"Энэ нь надад хэрэгтэй" гэх нь хангалттай биш, бүр хүчтэй, нөлөөлөх шалтгааныг өөртөө ол. Таны үйлсийг бүтээх, зорилгоо биелүүлэхэд туслах тэрхүү шалтаг шалтгааныг ол. Тухайлбал:
- Бүхнийг гэр бүлийнхээ, охиныхоо, хүүгийнхээ төлөө.
- Хайртай хүн, найз нөхдийнхөө төлөө.
- Үүнээс илүү ихийг хийж чадна гэдгээ, бүгдийг хийж чадахаа бусдад өөрийгөө харуулж нотолж чадна.
- Улс орныхоо төлөө, түүхэнд орохын тулд.
- Өөрийнхөө эрмэлзлэлийг тодорхойл.

Хүмүүн нь бусдын төлөө өөрөөсөө илүүг зориулдаг нь сонин шүү. Тиймээс Таныг "хөдөлгөж" чадах хэн нэгнийг болон тэднийг өөртөө ол.

2 шаг. Бодит шалтаг (стимулятор - өдөөгчийг) ол.
Зарим хүн аяга кофенд, зарим нь хүйтэн усанд, зарим нь чанга хөгжим сонсож "сайхан болдог". :) Таныг тэтгэж сэргээж байх тэрхүү хөдөлгөгч хүчийг (өдөөгчийг) ол. Залхуурлын анхны шинж илрэнгүүт л тэрхүү "хөдөлгөгч хүч"-ээ ашигла.


Алхам 3. Бусдын хүсэлтийг (хүслийг) биелүүлснээр өөрийнхийгөө шийдвэрлэх. Бүхий л амьдралдаа бид дарга, хамт олон, хамаатан садан, гэр бүл, найз нөхөд гээд хэн нэгний өмнө буюу бусдын өмнө ямарваа үүрэг хариуцлага хүлээсэн байдаг. Үүрэг гэмээр зориултууд ч байдаг. Чин хүслээрээ биш "хийх болоод" эсвэл "зайлшгүй хийх хэрэгтэй учраас хийдэг" үед хүний ажил хий хүсэл сонирхол буурдаг. Тэр үед яах ёстой вэ?

Гарц!
Энгийн дүрэм: Өөрийнхөө хүсэл зорилго, тэмүүлэлээ биелүүлэх шаардлагатай байгаа гэдэгтэйгээ холбо. Бүх талаар л өөрийнхөө сонирхолыг, материаллаг болон сэтгэл санааны сонирхлыг тодорхойл. Бүр удирдлагынхаа дандаа (залхтал) өгдөг үүрэг даалгавраас ч өөрийнхөө сонирхлыг олж харж болно. Жишээ нь: Например: би мэргэжлийнхээ чадварыг болон дадлага туршлагаа бататгана гэх мэт.

Алхам 4. Байнгын хөдөлгөөнд "урагшаа".
Идэвхтэй байдлыг зуршил болго. Юуны өмнө, эхний удаадаа өөрийгөө шахаж, шаард.

Өөртөө аман болон бичгэн хэлбэрээр "өөрийнхөө зорилгодоо хүрэхийн төлөө өдөр бүр боломжтой болгоныг хийнэ" гэсэн амлалтыг аваарай. Төлөвлөгөө гарга, тэгээд төлөвлөгөөгөө бүү хойш нь тавь. Мөн төлөвлөгөөнөөсөө бүү няц.

"Өөрийнхөө зорилгодоо хүрэхийн тулд өнөөдөр юуг амжуулсан бэ?" гэж өдөр болгон өөрөөсөө асуу.

Урам зоригтойгоор яг одоо юуг хийхээ, хийж болохоо хайж олох хэрэгтэй.
"Урам зориггүйгээр аугаа их үйлсийг бүтээж байгаагүй." (Ральф Уолдо Эмерсон)

Алхам 5. Залхууралтай дайн зарла.
Залхуурал нь хэнийг ч, хэнбугайг ч, бүр хамгийн идэвхтэй хүнийг ч залгих үндсэн "чадвар"-тай. Тиймээс залхууралтай зайлшгүй тэмцэх хэрэгтэй.

Залхууралтай тэмцэх 3-н фронт:
1. Зорилгоо болон зорилгодоо хүрэх төлөвлөгөөгөө зөв тодорхойлох.
2. "Уналтанд" (амжилтгүй байх) ухаалаг хандах.
3. Амьдралын идэвхтэй хэмнэл:
- Биеийн тамираар хичээллэх, дасгал хийх, цана, роллик (дугуйтай гутал), дугуй, гүйх, байгаль орчинд идэвхтэй амрах буюу агаарт гарах. (агаарт гарах гэдгийг "архидахаар" битгий ойлгоорой).
- Хошин шог болон зугаа цэнгээнд тоглолтууд (шоу).
- Итгэлтэй, хөгжилтэй, амьдралын баяр баясгалантай хүмүүстэй харьцах.
- Зөв болон эерэгээр бодох сэтгэх, ирээдүйд итгэх, сайн сайханд итгэх. (Ядахдаа хараалын болон муу үг хэрэглэж амаа бүү бузарла)
____________________________

Ердөө л 5-н алхам, тэгээд залхуурал Танаас үүрд холдох болно.
Ердөө л 5-н алхам, тэгээд Таны зорилго минутаар, мөч болгоноор ойртох болно.

Сануулахад:
Залхуурал нь - Таны зан чанар биш. Залхуурал нь - Таны сонголтын үр дүн.

(чадах ядахаараа орчуулсан Чандмань)

Аймаар ядарч байх шиг байна аа


Хар өглөөгүүр нүд анилдаад. Тэгээд Миатай гадаа баахан усаар байлдаж нойроо сэргээлээ гэсэн чинь одоо ч гэсэн нойр хүрээд унтаад өгмөөр л байна.
Жоохон ядраад байх шиг байна. Хөдөө агаарт хоёр өдөр нам унтах юмсан. Нэг өдөр нь унтаад нөгөө өдөр нь тоглоод өнжих юмсан.
Бурхан минь та байдаг бол надад Улаанбаатар хотоос гарах хоёрхон өдрийг өгөөч.
Пигунхамнида, аажү пигунхада. Одохгэ?

Monday, August 3, 2009

Энэ хэн бэ? т а нарын нүд хэн дээр нь илүү тусч байна?


Энэ хэн бэ?
Гэж асуувал та нарын нүд хэн дээр нь илүү тусч байна?
Яг зөв. Мэдээж эрэгтэй дээр нь тусч байгаа.
Ямар хөөрхөн инээмсэглэдэг юм бэ? тэ?
Ямар эгдүүтэй харагддаг юм бэ? тэ?
Ямар ч олон охидууд хүрээлчихсэн юм бэ тэ?
Ямар дуулга шиг үсний засалттай юм бэ тэ?
Ямар ямар гээд хэлээд байвал явж өгөх нь байна. Ингэсгээд паус авахгүй бол.


За, өчигдөр энэ нөхөртэй мессенжердсэн чинь, Золоо миний тухай битгий бичээрэй, Баагийг бич, Баагийг бич гээд болдоггүй ээ. Гэтэл сэтэл Эрдэнээг бич гээд байгаа болхоор яах ч арга байсангүй. уучлаарай Дэнээ.
Зиак манай Дэнээ бишээ Дуулга өө бишээ Эрдэнээ ш дээ. Нэрийг нь яг мартах гэж байна. Ингээд Эрдэнээгийн ээлж өнөөдөр юм байж л дээ. хувь заяаны эрхээр. ХЭ ХЭ
Маш агуу залуу шүү. Дэндүү гэмээр. Зүгээр надад аймаар таалагддаг. Нөгөө талаас нь шүү, тэгж хэлэхгүй бол нөгөө талаас нь ойлгоод байхвий. Тэгээд "Золоо ангийн банди нарын хэнд нь тэгээд жинхнээсээ сайн болж байнаа?" гэж бодход хүргэхвий дээ.
Дэнээгийн хувьд ерөнхий мэдлэг буюу тал талын мэдлэгтэй. Чимээгүй гавлуудын тоонд ордог залуу. Хархад энгийн харагдах мөртлөө яс юман дээр аймаар их мэдлэгтэй байдаг хүмүүс байдаг даа. Эрдэнээ яг л тийм. Найзууд нь ч бас тийм талдаа.
Өөрийн гэсэн үзэл баримтлалтай, их зарчимч юм шиг харагддаг. Үзэл баримтлалдаа тууштай, эхэлсэн ажлаа дуусгаж чаддаг . Толгой сайтай, юмыг бусдаас арай өөр өнцгөөс нь харж чаддаг юм байна лээ. Бас итгэл даах хүн. тэ? Аягүй нямбай тэ? Надад гар нь их таалагддаг. Их гоё гартай юм байна лээ. Тэгээд байна даа. Миний дүгнэлтээр Хамгийн үнэнч найз гэдэг нь тодорхой. Найзалсан хүнийхээ сайн найз нь байж чаддаг гэдгээ надад харуулсан. Нөгөө зугаалгаар явахад бид хоёр жоохон түр тар хийгээгүй юу? Дэнээгийн найзуудаас болж. Авч явна, авч явахгүй энээ тэр гээд...Гэхдээ би уурлахаасаа илүүгээр Дэнээгийн найзуудад атаархаж байсан. Ямар сайн найзтай юм бэ? Ямар сэтгэлтэй найзтай юм бэ? гэж атаархаж л байлаа. Харин Эрдэнээд уурласан ч дотроо Сүрхий юмаа гэж баярлаж байсан. Хааяадаа ОЗ-ийн өрөөнд утсаар найзтайгаа ярьж байхыг нь чих тавин сонсоод "Эрдэнээ ийм хүн байсан юмуу" гэж хүртэл бодож байлаа.
"Мань чинь пивонд даая" гэж ярьж байсан нь санаанаас гардаггүй юм.
Миний дүгнэлтээр ийм л хүн. Ухаад үзвэл үүнээс ч илүү гэдэг нь тодорхой. !!!

Миний хийсэн бүхэн алдаа биш оноо байгаасай л гэж хүсэж байна......


За, одоо 11 цагаас манай сонины албаныхан уулзах гэж байна даа. Ганц айж байгаа зүйл маань
"Манай хэд ирдэг болов уу, яадаг бол? " хурал болгоны өмнө иймэрхүү түгшүүртэйгээр л эхлэх юм даа. Хэд нь ирдэг бол? Хэд нь ирэхгүй бол ? Хэн нь жинхэнэ зүрх сэтгэлээсээ ажиллах бол ? хэн нь даган баясаад байгаан бол?
Өнөөдрөөс эхлээд манай сониныхон ажилдаа орж өдөр бүр л цуглаж ямар нэгэн зүйл хийх л байх. Одоохондоо миний толгойд юу ч алга. Ямар ч байсан энэ нэгхэн сарын хугацааг маш үр дүнтэй өнгөрүүлж чадварлаг нийтлэгч, сурвалжлагч нарыг бэлтгэн гарах нь чухал байна. Яая даа байз, Хаанаас эхлэх үү? Ядаж байхад Пүүжээгээс эхлээд л эхнээсээ очиж чадахгүй энээ тэр гэж утасдаад байхаар бүр урам хугарчих юм даа. Айдас түгшүүр, баяр догдлол нэгэн зэрэг намайг ороох нь тайлагдаж болдоггүй олсонд хүлэгдсэн мэт мэдрэмжийг өгөх юм даа....
Гэхдээ зүрх сэтгэл байхад бүх зүйлс болдог л юм. Магадгүй би нэг том алдаа хийсэн байж болох.
-Энэ багийг би өөрөө бүрдүүлсэн. Эдгээр хүүхдүүдийг чи орох уу? ороод хийгээд үзвэл яасан юм бэ гэж хэлж байж оруулсан. Учир нь эдгээр оюутнууд миний сэтгэл зүрхэнд үргэлж шилдэг нь гэсэн мэдрэмжийг надад өгдөг. Тиймдээ ч би тэр олон танидаг хүүхдүүдээсээ эд нарыг л сонгосон юм шүү дээ.
-Тэгье л гэцгээсэн.
-Маш их баярласан. Гэхдээ....
"Гуйсан нь бөхийж, гуйлгасан нь гэдийдэг" гэсэн үг санаанд орчлоо л доо. Тийм болхоор үнэхээр сэтгэлээсээ орсон уу? эсвэл миний гуйлтыг эсэргүүцэж чадалгүй орсон уу гэдгийг мэдэх аргагүй. Тиймдээ ч надад одоохондоо их хэцүү байна.
Би бодож байна. Дахиж би ийм зүйлийг хийхгүй гэж. Үнэхээр хүнд зүрх сэтгэл байвал болохгүй зүйл гэж байдаггүй билээ. Би өглөө 8:00 д сургуульдаа орж ирсэн. Тэднийг хүлээж суухдаа ихийг л бодож суулаа.
Өөртөө байгаа бүх ажлаа орхиод Сонингоо 1 номерт тавьж хуралдаа ирж чаддаг тийм л зүрх сэтгэлтэй, тийм л хүн хэрэгтэй байна. Тэгж чадвал бид сая гар нийлж хамтарч ажиллах болноо.

Гэхдээ би үргэлж зөв гэж бодсон бүхнээ л хийдэг.
Миний хийсэн бүхэн алдаа биш оноо байгаасай л гэж хүсэж байна......
Сая Нямаа ороод ирлээ. Тиймээ Нямаа шиг охин надад хэрэгтэй.

Sunday, August 2, 2009

Ингэж амьдраарай


Нэгэн хаан өөрийн шадар тvшмэдийн хамт морьтой зугаалж байжээ. Тэгээд замдаа алимны мод тарьж буй өвгөнтэй таарчээ. Хаан өвгөнийг ёжломоор санагдаж:
- Өвгөн гуай, та ийм настай хvн байж хэзээ энэ модныхоо жимсийг авна гэж суулгаж байгаа юм бэ? Алимны мод ургаж гvйцээд жимсээ өгөх vе хvртэл нь та хvлээж чадах юм уу? гэж ихэд шоолонгvй асуув.

Өвгөн хариуд нь: -Би өвөг эцгийнхээ тарьсан алимны модны жимсийг насаараа идсэн юмаа. Тэд ч гэсэн тарьж байхдаа хvлээж байгаад иднэ гэж тариагvй байлгүй дээ. Одоо миний тарьж байгаа модны ургацыг би биш юмаа гэхэд миний vр, ач, гуч нар хураах юмаа гэлээ.
Энэ vг хаанд маш их таалагдсан тул өвгөнд хэтэвч дvvрэн алт өгчээ. Өвгөн хариуд нь: - Хаантан та харж байна уу? Бусдын алимны мод олон жилийн дараа ургацаа өгч байхад миний алимны мод дөнгөж тарьж байхад л жимсээ өгч эхэллээ шvv дээ гэв. Хаантанд өвгөний энэ vг бvр их таалагдсан тул дахин нэг хэтэвч алт өгөв. Өвгөн хариуд нь:
- Хаантан минь ээ! Бусдын мод жилд нэг удаа ургац өгдөг бол миний мод ургаагvй байж хоёр ургац өглөө шvv дээ. Тэгэхээр хамгийн чухал нь хэзээ ургац авахдаа биш хийж бvтээн, тарьж ургуулж байсан цагт заавал vр ашгийг нь харах болно гэв.
Хаан: - Хэрэв бид энд ахиад жаахан азнавал таны мэргэн vгийг магтсаар алтгvй vлдэх бололтой. Өвгөн ах танд сайн сайхныг хvсээд бид замаа хөөе дөө гэж хэлээд давхин оджээ.

Хийж бүтээхийн төлөө ингэж амьдраарай.

Р.Чойном Бяцхан сургаал-1

Р.Чойном Бяцхан сургаал-1

Тунгааж бодоогүй юуханд ч гэсэн
Туйлын дvгнэлт битгий хий!
Тусдаа өөрөө толгойтойн учир
Тулгарсан ю
анд, сvvлд нь дуугар.

Хvний амьдралд чухаг мөртөө
Хvvхдэд хэлдэггvй сургаал гэж бий.
Хvй ертөнцөд элбэг мөртөө
Хvvхэнд хэлдэггvй vг гэж бий!
Өнөө vдэш голсон хоол
Өглөө Босоход эрдэнэ болдог.
Өсөхийн цагт хайхраагvй янаг
Өтлөхийн vед бурхан гэгддэг.
Зун цагт новш болсон юм
Зудтай өвөл аминд орох ч бий.
Хот газар булаацалддаг зvйл
Холын хөдөөд, хог дээр хэвтэх ч буй.
Хадтай газар хадуур хэрэггvй,
Модтой газар савар хэрэггvй,
Морьтой хvнд бензин хэрэггvй,
Мотоциклтой хvнд ташуур хэрэггvй,
Аргалын эвэр тэмээнд хэрэггvй,
Адууны сvvл ямаанд хэрэггvй,
Архины лонх шувуунд хэрэггvй,
Алтан бөгж сармагчинд хэрэггvй.
Бөөгийн хэрэгсэл ламд гай,
Бөхийн зодог эхнэрт лай,
Бурхан тахил чөтгөрт дараа,
Буу саадаг чавганцад төвөг.
Байгаль болоод хvний ёсонд
Байх байр, зохицох зохицол гэж бий.
Амьдрал болоод номын ёсонд
Арцаж болдоггvй орон зай гэж бий.
Хэн бvхэн, балчир хvvхдийг өхөөрдөвч
Хээр тааралдвал айж зэвvvцнэм зээ.
Хэвтэж байхдаа, амьтны яс сонин ч
Хэл ороод босож ирвэл, аюул гэдэг тэр!
Ууланд байхдаа мод гэдэг vзэсгэлэн ч
Унтаад босоход, гэрт ургасан байвал ямар вэ?
Усанд байхдаа загас гэдэг хөөрхөн ч
Уртын замд шөнө, морьтой загас таарвал ямар вэ?
Оронд тэврэхэд бvсгvй хvн тааламжтай ч
Олны газар тэр шалдан харагдвал ямар вэ
Од мичид, огторгуйдаа чимэг,
Ойчоод ирвэл нь дэлхий юу болох вэ?!
Хөлийн оймсыг гарт өмсгөвөл ямар вэ?
Хөхөөний дуугаар нохой донгодвол ямар вэ?
Хөхний даруулгыг нvдэндээ зvvвэл яах вэ?
Хөрсний анжсаар дээл эсгэвэл яах вэ?
Зохицохгvй юмыг зохицуулах гэвэл
Зовлон болохоос ашиг болохгvй.
Зохицох ёсон гэвч, дотроо бас
Зориуд тааруулсан өөрийн цагтай.
Yлгэрлэвээс, өглөө галлах эхнэр
Yд өнгөрөөд босвол хэрэг юун.
Yерхэж явсан нөхөр, туслах тусаа
Yхсэн хойно санавал, тус юун.
Yелзvvр залууд гоёж явсан гоёл
Yсэн бууралтахад инээдэм төдий.
Yймээний жил, тvмнийг аварсан зэвсэг
Yе нь өнгөрөхөд тvvхийн дурсгал төдий.
Учир иймээс, амьд сэрvvн цагтаа
Урьд хойныг нь бодож юм бvхнээ зохицуул.
Улс амьтны ёс горимыг дагаж
Ул суурьтай, зvйн дотор яв!
Бусдыг хэлэхээсээ өөрийг урьтаж шинж.
Буруу зөвөө, ухаант хvнээс асуу.
Цагийн юмыг цаг алдалгvй хэрэглэ.
Цагаас урьтаж элдэвт битгий сvйд!

Амьдралыг чи юу гэж үзнэ амьдрал тийм л байна.

Амьдралыг чи архи гэж уувал
Амьдрал чамайг тамхи шиг татна
Хайрыг чи хог гэж хаявал
Хорвоо чамайг шороо шиг цацна.

Friday, July 31, 2009

Нэргүй, No name hero, Нэк, Баатраа, NВ...гээд л ер нь л миний мэдэхийн хамгийн олон хочтой нь....

Зиак, Ойрдоо ангийнхныхаа тухай бичээгүй. Өнөөдөр Нэкийн тухай бичнээ. Манай ангиас хамгийн олон хочтой залуу байхаа тэ?Нэргүй, No name hero, Нэк, Баатраа, NВ...гээд л ер нь л миний мэдэхийн хамгийн олон хочтой нь.
Цоомоогийн тухай бичихдээ хэлж байсан даа. Анх зуны сургалтаар харж байсан гэж.
Даруухан, толгойтой юм шиг харагдсан. Тэгээд л нэг ангид хамт орвол гоё юм даа гэж бодож явлаа залуу байхдаа. Гэтэл яав? Манай ангид ороод ирдэг юм даа. Тэгээд 3 жил хамт сураад, Цоомоо энэ хоёртойгоо нэг дипломын баг болоод гар нийлэх гээд л хамтарч байгаадаа үнэхээр баяртай байгаа.
Эгэл даруухан, энгийн энэ залуугийн энэ инээмсэглэл үнэхээр сэтгэл татам тэ? Нээх гоё шүдтэй. Тэгээд л инээмсэглэхээр яг л наран мандах мэт. хэ хэ Хар л даа. энэ зургийг.
Нээрээ гоё биетэй тэ? Мах шөл нь таарсан....
Бас их халамжтай гэж сонсож байсан юм байна. Даан ч надад нэг ч халамж тавидаггүй юмөө. Ядаж нээрээ хааяа ч гэсэн тэ? болноо доо тэ? Ажил чин хэр байна даа. Юу болж байна даа гээд асуучихаж болноо доо. тэ? Нэг багийн хүмүүс байж. Гэхдээ зүгээрээ, би гомдохгүй.
ӨӨ нээрээ ёстой их таалагдсан юм нь их өгөөмөр санагдсан. 4 сард ч билүү, сайн санахгүй байна. өөр ангийн банди нартай покердож байгаад Ганзо энэ хоёр 6000 гаруй төгрөгтэй болчихсон байсан. Тэгээд гоё юм аваад өг гэхэд тэг тэг гээд л... Өөр юу авах вэ? гээд л бараг бүх мөнгөөр нь амттан авхуулж байсан санагдана. Тэ Мийга? чи байлуу?
Ер нь ямар ч муу талын зуршил байхгүй. Хараалын үг ч хэлж байхыг нь нэг ч сонсож байгаагүй эээ. Нэг л дөлгөөн залуу. Тийм болхоор би зөндөө хайртай. гэхдээ хайр гэдэг олон янз... нөгөөдөх хайр нь шүү дээ.
Аягүй хүн чанартай гэж байгаан,
"Нэгэн хүнээс Ямар хүнийг хамгийн сайн хүн гэдэг вэ?" гэж асуухад
"Хажууд нь байхад сэтгэл амар байдаг хүнийг" гэж хариулсан гэнээ.
Нэргүй яг л тийм санагддаг.
Би чин их сандруу хүн шүү дээ. Нэргүйг хараад л тайвширдаг. гэж байгаан. нууц шүү.

Thursday, July 30, 2009

Энэ бүхэн зөвхөн инээмсэглэлийн л ач тус байсан юм.


Нэгэн инээмсэглэл тосгоныг аварсан нь Бяцхан охин гунигтайхан алхаж яваа нэгэн хүн рүү инээмсэглэжээ. Охины дотно сайхан инээмсэглэл нөгөө хүний сэтгэлийг сэргээжээ.Сэтгэл нь сэргэж сайхан болсон нөгөө хүн маань саяхан өөрт нь тусалсан найздаа баярласанаа илэрхийлээгүйгээ санажээ. Ингээд бяцхан зурвас бичин түүнд хүргүүлэв. Зурвасыг авсан найз нь ихэд байрлан, өдрийн хоолоо идэж байсан зоогийн газрынхаа зөөгчид ахиухан шиг цайны мөнгө орхижээ. Зөөгч хүү хэзээ ч урьд нь ийм их цайны мөнгө авч байгаагүй учир баярлан, гэртээ харих замд нь байнга малгайгаа тосон суудаг хөгшин гуйлгачинд малгайд нь мөнгө хийж өгчээ. Хөгшин ихэд баярлажээ.

Бүхэл бүтэн хоёр өдөр хэлэн дээрээ юм тавиагүй байсан юмсанж. Ингээд гэдэс цатгалан, сэтгэл тэнэгэр байшингийн хонгилдоо иржээ.Тэрээр тун жаргалтай өөдрөг байсан учир гадаа даарч чичирч байсан бяцхан гөлгийг гэртээ оруулжээ. Гөлөг дулаан хоносондоо, мөн өвгөн түүнд илгэсэг хандсанд тун ихээр баярлажээ. Шөнө дундын алдад байшин гэнэт утаа униараар дүүрч гал гарчээ. Утааны үнэр авсан гөлөг чанга чанга хуцан хөгшин гуйлгачинг сэрээж, хөгшин ч тэр даруй айлуудын хаалгыг нүдэн хүмүүсийг сэрээж, байшинг ч хүмүүсийг ч галын аюулаас аварчээ.

Энэ бүхэн зөвхөн инээмсэглэлийн л ач тус байсан юм.

How to install love



Та install-г суулгаж хэрэггүй л болов уу? Би үүнийг уншаад install хийсэн. Одоо их зовж байна.


Худалдан авагч: Би техникийн талаарх мэдлэгт маруухан л даа. ХАЙР -ын программыг яаж суулгадаг (install) вэ?

Мэргэжилтэн:
Эхлээд өөрийнхөө ЗҮРХ гэсэн файлыг нээх хэрэгтэй. Нээсэн үү?

Худалдан авагч: Нээчихлээ. Гэхдээ тэр файл дотор одоогийн байдлаар ӨНГӨРСӨН ГУНИГ.ЕХЕ, АТААХОРСОЛ. ЕХЕ, ГОМДОЛ.ЕХЕ гэдэг программууд ажиллаж байна. Тэд ажиллаж байхад ХАЙР-ыг суулгаж болох юмуу?

Мэргэжилтэн: Тэр хамаагүй. ХАЙР-ыг суулгахад ӨНГӨРСӨН ГУНИГ.ЕХЕ программ өөрөө арилчихдаг юм. Хэсэг хугацаанд түр санамжинд тань байх боловч бусад программуудад нөлөө чадахгүй. ХАЙР нь эрт орой хэзээ нэгэн цагт БАГА ИТГЭЛ.ЕХЕ -г арчиж ИХ ИТГЭЛ.ЕХЕ гэдэг нэртэй модуль суулгадаг. Гэхдээ хамгийн гол нь тө өөрөө ХОРСОЛ.ЕХЕ, ГОМДОЛ.ЕХЕ гэдэг программуудыг хаах хэрэгтэй. Учир нь эдгээр програмууд нь ХАЙР-ыг суулгахад саад болдог. Та хааж чадах уу эрхэм ээ?




Худалдан авагч: За хаачихлаа. Тэгсэн чинь ХАЙР өөрөөө автоматаар сууж эхэллээ. Зүгээр биз дээ?

Мэргэжилтэн:
Тийм ээ! Гэхдээ энэ бол зөвхөн үндсэн програм. Үүний хамгийн сүүлийн үеийн загварыг суулгахын тулд өөр ЗҮРХ-үүдтэй холбоо тогтоох ёстой.

Худалдан авагч:
Еооё! Эхэлж амжаагүй байхад л алдаа заагаад эхэллээ шүү дээ. Одоо яах вэ?

Мэргэжилтэн: Ямар алдаа зааж байна?

Худалдан авагч:
АЛДАА 412 - ПРОГРАМ ДОТООД СИСТЕМД АЖИЛЛАХГҮЙ БАЙНА. Энэ юу гэсэн үг вэ?

Мэргэжилтэн: Санаа бүү зов. Энэ бол энгийн нэг алдаа. ХАЙР-ын програм нь өөр ЗҮРХ-үүдэд ажиллахад бэлэн байгаа ч таны ЗҮРХ-энд ажиллахгүй байна гэсэн үг. Өөрөөр хэлбэл та бусдыг ХАЙРЛАХЫН тулд эхлээд өөрийгөө ХАЙРЛАХ хэрэгтэй гэсэн үг.

Худалдан авагч:
Тэгвэл би юу хийх хэрэгтэй вә?

Мэргэжилтэн:
"ӨӨРИЙГӨӨ ХҮЛЭЭН ЗӨВШӨӨРӨХ" гэдэг файлын доорх ӨӨРИЙГӨӨ УУЧЛАХ.DОС, ӨӨРТӨӨ ИТГЭХ.ТХТ, ҮНЭ ЦЭНИЙГ МЭДЭХ.ТХТ болон САЙН ҮЙЛС.DОС гэдэг файлуудыг сонгоод бүгдийг нь МИНИЙ ЗҮРХ гэдэг хавтсандаа хийгээрэй! Дараа нь ӨӨРӨӨ ӨӨРТӨӨ СААД.ЕХЕ -ийг бүх файлуудаасаа бүр хогийн савнаасаа хүртэл арчиж ор тас алга болсонд нь итгэлтэй болох хэрэгтэй.

Худалдан авагч
: Би чадлаа! Үнэхээр МИНИЙ ЗҮРХ цэвэрхэн файлуудаар дүурч байна. ИНЭЭМСЭГЛЭЛ.МР3 дэлгэцэн дээр минь тоглож байна. ХАЛУУН ДУЛААН УУР АМЬСГАЛ.СОМ, ЭНХ ТАЙВАН.ЕХЕ ба СЭТГЭЛ ХАНГАЛУУН БАЙДАЛ.СОМ -ууд МИНИЙ ЗҮРХЭНД хуулагдаж байна.

Мэргэжилтэн: Тийм бол ХАЙР суугаад ажиллаж эхэлсэн байна. Энэ үеэс эхлээд та одоо юуг ч даван туулж чадах болно. Гэхдээ нэг юм сануулъя.

Худалдан авагч: Юу билээ?

Мэргэжилтэн: Хайрын програм үнэгүй байдаг. Тиймээс та өөрийн таньдаг мэддэг бух хүмүуст forward хийгээрэй! Тэр хүн бусадтай хуваалцсаны дараа дараа эргээд танд цэвэрхэн модулиуд илгээх болно.

Эргэх цаг бүхэн амарлиг


Үхэл гэдэг аймшиг биш
Хувцсаа солихтой л адил
Үгүйрч хоосрох ч зовлон биш
Унаад босохтой л ижил.
Хамгийн хэцүү зовлон
Уур, мунхаг, шунал гурав
Харин түүний ерөндөг
Ухаарч гэгээрсэн сэтгэл...
Зовлон хэмээгч
Ганц амиа бодох үзэл
Жаргал гэгч
Гарцаагүй бусдыг энэрэх сэтгэл...
Эргэх цаг бүхэн амарлиг .

Надад их таалагдлаа


Хайрын галдаа шатсан ч дурлалын харц шиддэггүй би даруухан охин
Хармын сэтгэлдээ автсан ч хэрүүлийн үг гуйдаггүй би тайван охин
Анхны болзоондоо яарсан ч түрүүлж очдоггүй би бардам охин
Аавын хөвгүүдийг шохоорхсон ч ардаас нь гүйдэггүй би сэхүүн охин

Ганцхан чамайг харан таална

Ганцхан чамайг харан таална
Гадуур хувцсыг чинь тайлан таална
Гуалиг хөлийг чинь илэн таална
Гоёхон биеийг чинь долоон таална
Энэ бол чупа чупс байлаа ха ха

Одоо надад яг ийм мэдрэмж төрж байна

ТЭНГЭР ШИГ БАЙ



Харааж нулимж байвч, тэнгэр шиг бай!

Хамгийн сайн хүмүүс гэж

Хашгирч ерөөж байвч, тэнгэр шиг бай!

Тэвчээр барагдаж, нөхөд чинь орхивч

Тэнгэр шиг бай, мөнхөд амгалан...

Тэргэнд суулгаж, алтан титэм өмсгөвч

Тэнгэр шиг бай, юу ч болоогүй юм шиг...

Хамгийн хайртай хүн чинь хаяж одсон ч

Хан тэнгэр нурчхаагүй цагт, бүү зов!

Гүтгэж, доромжилж бахаа ганц хангавч

Гүн тэнгэр хэмхрээгүй цагт, бүү ай!

Өвчин зовлонд нэрвэгдэж, тартагтаа тулавч

Өнө мөнхийн тэнгэр шиг бай, чи ялна

Өрөөл бусдад тоогдохоо байж, мартагдавч

Өндөр тэнгэр дээр чинь цэлийж буйг бүү март!

Яг л амьдрал чинь дуусаж, явах замгүй болсон ч

Яадгаан алдалгүй хүлээ, тэнгэр шиг бай!

Яруухан санаа мехөсдөж, хулгай зэлгийд өртсөн ч

Ядмагхан амьтдыг бүү тоо, тэнгэр шиг бай

Олз омог чамд үүдээ хаасан ч тэнгэр шиг бай

Олон түмэн нүүрээ буруулсан ч тэнгэр шиг бай

Одод гялалзаж, наран саран ээлжлэх цагт

Орчлон дээр аавын хүү шантрах ёсгүй!...

Уур омог урин мунхгийг мартаж, тэнгэр шиг бай

Уйтан хорвоогоос илүү гарч, жигүүрээ дэлгэ...

Цөхрөл чамайг багалзуурдаж, цөлийн чоно шиг болгосон ч

Цөс ихтэй хүний үр гэдгээн бүү мартаарай!...

Цорын ганц хүү минь, бас охид минь, хүүхдүүд минь

Цохолж ирэх үйлийн үрээс бүү зугт, бүү ай!...

Хувь заяатай ямагт эвлэрч, тэвчээртэй бай...

Хуучин цагийн мэргэд хүлээж сурсан юм шүү!...

Орох оронгүй болсон цагтаа орчлонг бүхэлд нь олно, чи!

Онцлох нөхөргүй болсон цагтаа, хүнийг бас ойлгоно чи !

Аз жаргал ирнэ гэвч, удалгүй алга болдог юм

Аюул зовлон тохионо гэвч, төдөлгүй арилдаг юм ...

Жамаараа ертөнцөд юм бүхэн өдөр, шөнө шиг ээлжилнэ

Жаргал зовлонгийн алинд ч, мөнх тэнгэр шиг бай !...

Атаатан түмэндээ мууг үйлдэвч, хариуд нь сайныг бүтээ .

Ариун сэтгэлийн нугад буяны цэцэгс дэлгэрдэг юм ...

Ямагт чиний зөв байх албагүй, сайтар тунгаа

Ярьж хэлэх , хөдлөх бүхнээ өерөө хяна, сэтгэ

Хүсэл бүхэн биелэх албагүй, чандалж хорь

Хүрэхийн эцэсгүй тэнгэр шиг бай, үнэнийг тэмтэр!...

Юм бүхэнд өөрийн цаг буй, сөрөөд нэмэргүй

Юлд атгасан хүн тулаанд хэрэгтэй, хуриманд нэмэргүй

Нохой болохоос нь өмнө гөлгийг хазаж хэмлэдэг юм...

Ноён болохоос нь өмне хөвгүүнийг басаж доромжилдог юм

Самуун дэгдээгчид үйлээн тайван хийг

Сандарч тэвдэх хэрэггүй тэнгэр шиг бай !

Салхи цагаан болохоор бүхнийг хийсгэдэг юм

Саваагүй амьтдын зиндаанд бүү уна !...

Эрх мэдэлтэй хүн хилэнц нүглээс зайлахгүй

Эд баялагтай хүн хүсэл шуналаас хагацахгүй

Ертөнцийн бүх юм хэмжээтэйг бүү март

Ер цагаа болохоор хумхийн тоос шиг сарнина

Энгийн хүн ардад ээлтэй бай, хайртай бай

Элдэв бусармаг явдалд бүү орооцолд!...

Үнэтэй цайтай бүхнээ бусдад өгч сур, бүү харамс

Үүрд оршихгүйн учир тус болох үйл бүтээ!...

Гаднаан ямагт бусдаас доорд бай, даруу бай

Гайхуулах хэрэггүй, дотроон тэнгэр мэт агуу бай!

Үг яриа хэрэггүй газарт харцаараа өгүүлж сур,

Үнэн худлыг ялгах аргагүй цагт бурхандаа залбир!

Өнөөдөр чамайг маргааш бусдыг хуурах хүмүүст

Өөр шигээ бүү итгэ, мөрийг хөөж чигийг барь!...

Хүү минь, хамгийн эцэст хэлэхэд нохой явдлыг дээдэл

Хүлцэн тэвчихээс илүү гавьяаг би мэдэхгүй!...

О. Дашбалбар

Хайр-хамгийн агуу зовлон. Д.Урианхай

Хайр-хамгийн агуу зовлон. Д.Урианхай

Хэзээ ч дуусахгүй үргэлжлэх бодит мөртлөө хийсвэр, хийсвэр мөртлөө бодит зүйл бол хайр. Хайр хаанаас эхэлж хаана дуусдаг вэ? Хайр хаанаас ирдэг вэ? Эргээд хаашаа явдаг вэ? Хайранд хэмжүүр бий юу? Яагаад бид хайрладаг вэ? Хайр хүний төрлөхийн шинж үү эс бөгөөс олдмол уу? Хайрын хүчнээс илүү зүйл байгаа юу? Энэ асуултуудад өнөөг хүртэл хариулж байгаа, бид өөрөөсдийнхөөрөө. Даанч үнэн хариултыг шууд илэрхийлэхэд хүмүүс өөр өөрийнхөө хайрыг бодон эргэлзэнэ.

Хайрын талаар хийсэн судалгаа нь дуу, шүлэг, уран зохиолыг бодвол тун бага. Зүгээр л найзаа гэж хардаг байсан хэн нэгэн миний сэтгэлийг догдлуулна гэж ерөөсөө бодсонгүй, тэр урьд нь сайхан харагдаж, найрсар харилцаж байсан ч миний сэтгэтгэлийг тэгтлээ татаагүй байж өнөөдөр сайхан харагдаж би түүний хажууд байхыг ямар их хүснэм гээч гэж олон хүн ярьж байхыг сонссон. Тэгвэл энэ юу? гэсэн асуултыг өөртөө бас танд тавимаар байна. Хайрын тухай маш олон онол байх юм. Хайр гэдэг нь эртний санскарит хэлнээс гаралтай ЛОБХО хэмээх үгнээс гаралтай шунахай, сувдаг гэсэн утгатай байх нь. Гол нь энэ үгний утга санааг маань нилээд олон зүг рүү нисгэлээ.

Хайрлана гэдэг ямар нэгэн зүйлд, обьектод, хүнд эсвэл өөртөө, хийж байгаа үйл ажиллагаанд чиглэгдэж байдаг. Яагаад гэнэт хэн нэгнийг хараад зүрхний хүчтэй цохилж, бүхий л биеэр шахагдах цусны эргэлт түргэсч, нүүр улайж, бие бадарч, хамаг бие романтик харцанд мансуурч байна вэ? Биеэр дүүрэн мэдэрлийн импульс гүйж газар дээр ч биш сэтгэл санаагаараа бол тэнгэрт хөөрдөг. Харин хэсэг хугацааны дараа агаарын бөмбөлөгийн газ дуусч эргээд газар дээр буудаг. Тэгсэн хойноо л сая юу болоод өнгөрснийг эрэгцүүлнэ. Тэрнээс биш тэнгэр дээр байхдаа газар бууна гэдгээ огтхон ч төсөөлөхгүй, буухгүй мэт хөөрцөглөнө. Энэ бол дурлал. Харин хайр бол тийм биш газ дуусна гэж санаа зоволтгүй.


Бид ярьдаг даа. Нэг хүндтэй яаж нэг насыг барна даа гэж. Хайраа олсон хүн хэзээ ч ингэж хэлэхгүй, өөрийнхөө найз охин, найз залуу, гэр бүлдээ сэтгэл ханамжгүй эсвэл агаарын бөмбөлөгийн газ дуусна гэж итгэсэн хүмүүс л эдгээр үгсийг хэлдэг байх. Хайр бол хоосон сэтгэгдэл бус. Хайрыг танихад цаг хугацаа үл хамаарна. Хичнээн удах, аль хир хол явах зэрэг нь хайранд чухал бус. Хайр бол өгөөмөр сэтгэл. Нэг үгээр хэлбэл дурлал хэн нэгнийг заавал хажуудаа байлгах хүслээр илэрхийлэгдэг бол хайр хажууд байхгүй байгаа ч байгаа юм шиг санагддаг. Дурлал бол эрх чөлөөт байдлыг тунхагладаг. Харин хайр бол эрх чөлөө+хариуцлага шаарддаг. Таны найз таны хайр болж хувирч байна уу эсвэл дурлал уу гэдгээ сайн эрэгцүүлээрэй. Хэзээ ч хайр гэж төсөөлж байгаагүй тэр зүйл хайр байхыг үгүйсгэх аргагүй, хайр гэж эндүүрсэн нь дурлал байх нь цөөнгүй. За ингээд таны агаарын бөмбөлөгийн тань аялалд аз хүсье. Халамжтай байна гэдэг хайртай байна гэсэн үг. Хайрладаг бол хайрладаг гэдгээ мэдрүүлэх хэрэгтэй.

"Та өөрийгөө мартуузай" номноос
Сэтгэлзүйч Ууганцэцэг

Хэрхэн ухаалаг бөгөөд хурдан сэтгэдэг болох вэ?

Ямар ч мэргэжлийн хүнд сэтгэн бодох чадвар заавал хэрэгтэй байдаг. Гэхдээ сэтгэх чадварын түвшин мэргэжил тус бүрт өөр өөр байна. Ер нь хүн өөрийнхөө сэтгэхүйг яаж хөгжүүлж болох вэ? Яаж ухаалаг хурдан сэтгэдэг болох вэ? Дараах зөвлөмжүүдийг туршаад үзэхийг зөвлөе.

· Хамгийн түгээмэл зарчим бол: “Ухаантай байхыг хүсвэл ухаалаг асуулт тавьж, анхааралтай сонсч, тайван хариулж сур. Ярих хэлэх зүйлгүй бол заавал ярихын хэрэггүй” гэдэг.

· Мэдлэг болон үйлдлийн нэгдлийг ухаан тодорхойлж байдаг. Оюуны хөдөлмөр хийхгүйгээр сэтгэх, хүч гаргахгүйгээр мэдлэг олж авах боломжгүйтэй адил мэдлэггүйгээр сэтгэхүй ч бас хөгжиж чадахгүй. Сэтгэхүйгээ хөгжүүлнэ гэдэг нь өөрийнхөө ухааныг мэдлэгээр дүүргэнэ гэсэн үг юм. Мэдлэгийн эх булагт сургууль, ном, сэтгүүл, радио, зурагт зэрэг олон зүйл багтана. Эдгээрээс бид хүрээлэн буй орчны юмс үзэгдлүүд, хүний үйл ажиллагааны олон талтай танилцаж, энэ тухай зохих мэдлэг олж авдаг.

· Сэтгэхүй юун түрүүнд асуултаас эхэлдэг. Хүн төрөлхтөний олонх нээлт “яагаад?”, “яаж?” гэсэн асуултуудын дүнд бий болсон гэж үзэж болно. Өөрт учирч буй үйл явдал, үзэгдлийн мөн чанарыг танихын тулд асуулт тавьж сур. Тэгээд түүндээ өгөх хариултыг дандаа хайж, эрэлхийлж бай. Нэгэн хэв маягийн бэлэн шийдвэрээр хэрэгжүүлж үр дүнд хүрч чадахгүй болсон үед сэтгэхүй идэвхиждэг. Иймд аливаа юмс, үзэгдлийг тал бүрээс нь авч үзэх, ердийн юмнаас шинийг олж харах зэрэг чадварыг өөртөө төлөвшүүлэх нь сэтгэхүйг хөгжүүлэхэд тун чухал юм.

· Юмс үзэгдлийн нийтлэг, илэрхий шинж тэмдгүүдийг олж ажиглах чадвар нь хүний ой ухааны нийтлэг илрэл юм. Гэхдээ нэг хүний ажигласан зүйлийг нөгөө хүн тэр бүрий яг адилхан олж хардаггүй. Ажиглаж буй зүйлийнхээ аль болох олон шинж тэмдгийг олон талаас нь олж харан таниж чадаж буй хүний сэтгэхүй төдий чинээ боловсронгуй, төгс төгөлдөр, уян хатан байдаг. Сэтгэх, логик чанарын бодлого сорилт, бодох зэрэг тоглоомоор дээрх чадварыг хөгжүүлж болно.

· Ач холбогдол, утгаараа ойролцоо ойлголтуудыг харьцуулж сурах нь сэтгэхүйг хөгжүүлэх бас нэг арга юм.

· Сэтгэл ба хэл, сэтгэхүй ба ярих чадвар нь хоорондоо салшгүй уялдаатай. Ямар ч санаа бодлыг үгээр хэлж, тайлбарлах замаар сэтгэхүйгээ хөгжүүлж болно. Гэхдээ үгээр илэрхийлэхдээ товч тодорхой өгүүлэх, илэрхийлэх чадварт суралц.

· Бичгийн хэлийг /зохион бичлэг, захидал бичих, өдрийн тэмдэглэл хөтлөх г.м./ идэвхтэй ашиглах нь сэтгэхүйг хөгжүүлэхэд бас тустай.

· Уншсанаа чөлөөтэй ярих, маргаан хэлэлцүүлэгт оролцох, стандарт бус бүтээлч, сонин хачин асуултуудад оновчтой хариулан шийдэх зэрэг нь сэтгэхүйг хөгжүүлэх нэг гол нөхцлийг бүрдүүлдэг. Ер нь хүний үйл ажиллагаанаас хамгийн хүнд нь сэтгэхүйн үйл ажиллагаа байдаг. Иймд сэтгэх үйлдлийг хийхэд хувийн зохион байгуулалт, анхаарал, ой тогтоолт, ажигч гярхай байдал, ажлын чадвар зэрэг олон зүйл шаардагддаг.

Tuesday, July 28, 2009

Заримдаа сонголт хийх болдог....


"Хүний амьдрал үргэлж сонголт байдаг. Хамгийн зөв сонголтыг хийж түүндээ тууштай явах хэрэгтэй гэж " өнөөдрийн сургалт дээр хэлснийг саналаа. Гэхдээ хамгийн зөв гэдгийг нь яаж мэдэх үү?
Гэхдээ , зарим сонголт гаргах үнэхээр хэцүү юмаа. Сонголт гаргах тохиолдолд яг зөвийг нь гаргахаа яаж мэдэх үү? Би бүр будилж орхилоо. Нэгийг нь сонголоо гэхэд нөгөөх нь ч бас эрхэм чухал. Эрхэм чухал зүйлийг яахин орхигдуулж болох вэ? тийм үү?
Гэтэл миний амьдралд тийм л цаг мөч одоо тулгараад байнаа.
Яаж шийдхээ ч мэдэхгүй, 1 хүнээс мессеж-ээр, нэг хүнээс мессенжрээр , харин гуравдах хүнээс амаараа уулзаж байгаад асуулаа. Гурвуулаа B сонголтыг хийлээ. Харин надад А сонголт таалагдаад байдаг.
Энд даан ч бичиж болохгүй нь дээ. Би л хувьдаа хоёуланг нь сонгомоор байдаг. Гэтэл нэг нь нөгөөдөө харш. В-г сонголоо гэхэд би А-г сонгойгүйнхээ төлөө шийтгэл авна, А г сонгосон бол В-г сонгойгүйнхээ төлөө харуусал авах жишээний. Яах вэ? байз.

Monday, July 27, 2009

Зарим нь завтай, зарим нь завгүй....

Гадаа үйлчлэгч эгч нар орлилдоод байхаар цонхоор хартал тэд усаар байлдаж байна шүү. Хөгжилтэй юмаа. Жоохон хүүхдүүд шиг....
Сургуулийн хажууд тарисан цэцгүүдийг услаж байгаа бололтой. Хувцаснууд нь норчихсон байна.
Би өрөөндөө суугаад л...
Хажуу талын төв байранд сургалтын албаныхан завгүй л ажиллаж байх шиг байна. Дараа 7 хоногийн 1 дэх өдрөөс буюу 8 сарын 3 аас Шинээр элсэгч оюутнуудад зориулсан зуны сургалт эхэлж байгаа гэж....Шинэ оюутнууд маань сургалтандаа нэг хоёроороо ирж бүртгүүлж л байх шиг байна.
Би нээрээ ХҮРЭЭ МХТДС-д орсон цагаасаа нэг ч удаа зуны сургалтыг тасалж үзээгүй юм байна лээ. Зуны битгий хэл өвлийн сургалтыг ч тасалж байгаагүй. Гэхдээ өнгөрсөн өвөл сургалт болоогүй. Нэг тиймэрхүү.

Ариун хайрын дөлөнд шатдаг гэж бодоогүй ээ


Зүрх зөвхөн цохилдог гэж бодсоноос
Зүйрлэшгүй их хайрыг тээдэг гэж бодоогүй ээ
Алгын чинээ биеийг минь амьдаруулдаг гэж бодсоноос
Ариун хайрын дөлөнд шатдаг гэж бодоогүй ээ...

Хожмын нэг өдөр бүдэрнэ чинээ санасангүй.

Занг нь мэдэхгүй хүнд хэзээ ч би дурлахгүй гэж
Заяа тавилангаа мэдэх л юм шиг бардамхан бодож явахдаа
Хааяахан тулгардаг байсан бүлээхэн тэр харцанд
Хожмын нэг өдөр бүдэрнэ чинээ санасангүй.

Чийг даасан уруулын чинь амтыг төсөөлдөг

Тэр нэгэн залуу зүрхний минь байнгын зочин
Тэргэл сартай шөнөөр зүүдний минь урилгагүй зочин
Түүний тухай бодол өөрийн мэдэлгүй урсаж
Түнэр харанхуй шөнөөр тэвэрт нь эрхлэхийг хүснэ

Чимээгүйн дунд ганцаар чамайг л би боддог
Чийг даасан уруулын чинь амтыг төсөөлдөг

Saturday, July 25, 2009

сэтгэл үхэх нээ одоо би яах вэ?

Сэтгэлийнхээ цангааг дарагдтал уугаад хөлчүү чам дээр очмоор
Сэрэл хүслийнхээ галыг дүрэлзтэл асааж илчинд нь чамтай дулаацмаар
Өнчин жигүүрээр дүүлээд хүрчихдэг дурлалын оргил гэж байх биш дээ
Өнөөдрийг ахиад л ганцаар үдвэл сэтгэл үхэх нээ одоо би яах вэ?


Шанаагаа тулаад л чамайг боддог боллоо

Шатрын хөлөг дээр бэрсээ алдчихсан юм шиг
Шанаагаа тулаад л чамайг боддог боллоо
Дурлалын тулаанд зүрхээ алдсан найрагч
Дугарч ч чадалгүй гоо сайханд бууж өглөө

"Би дургүй"-д би дуртай

Ц.Хулан
БИ ДУРГҮЙ
Цаг гозойж байхад би алс замд гарахгүй
Цангинтал хундага хагa шиддэг Орос занд дургүй
Цайг нь уучхаад аягыг нь хөмрөх дургүй
Цагаа олж ухаантнаа хайрладаггүй Монгол занд би дургүй

Өлийд бүдрээгүй ажнайг магтаалаар булж алах дургүй
Үхэлд ч автаагүй баатар эрийг одонгоор дарж авахад дургүй
Үлгэр нялуун төгсдөг ч сайн эр зовоход би дургүй
Үс нь буурал хөгшин намбагүй явахад бүр дургүй ээ
Цэргийн дарга нар согтуу гуйвахад би дургүй
Цэцгэн охид надаас янжуурын гал сургалхад дургүй
Цэмцгэр нь дэндүү харчуул цагаан гартнуудад дургүй
Цэвэр цааснаа шүлэг биш матаас бичихэд бүр дургүй ээ
Доголон хүний дэргэдүүр би гүйж өнгөрөх дургүй
Дороо эргэцэх илжиг мэт олны дунд гэлдрэх дургүй


Ядуусын дунд гангалах дургүй
Тансаг найран дээр ганцаардах дургүй
Яруу найрагчийг хэтэрхий урт наслахад яагаад ч юм дургүй ээ
Холоос айсуй морьтон гэнэт өөр зүгт давхихад дургүй
Холбиромтгой ааш уян жаданд дургүй
Нүүрнээс далдуур хүн муу хэлэх
Нүд нь дээр минь гөлөг зодоход бүр дургүй
Хэтэрхий халуун, хэтэрхий хүйтэнд дургүй
Хэтэрхий омголон, хэтэрхий ноомойд дургүй
Бурханыг нулимах адыг өргөмжлөхөд дургүй
Бусдад дагаар орох, адгуусыг тамлахад бүр дургүй ээ
Дургүй бүхнийг минь үзүүлж ханасан эх орон минь
Дургүйгээ хүртэл хайрлах гэж би хүү чинь болсон
Цайг нь уучхаад аягыг нь хөмөрдөггүй ёсоо бодож
Цаг гозойж байсан ч би тань дээр ясаа тавина даа эх ороон


Friday, July 24, 2009

Өнөөдрийн дугаарын зочноор ЦООМОО орж байна аа!


Эрхэм хүндэт үзэгчид ээ!!! Одоо би та бүхэндээ Энхцолмон буюу Цоомоо_player -тэй танилцсан түүхээ ярих гэж байна. Анхаарал сарниулан хүлээн авч уншина уу!!!
Анх зуны сургалтаар харж билээ. С хэлний хичээлд хамт сууж байсан байхгүй юу. Дандаа нэг суудалд суудаг. Яг миний урдаас харсан ширээний баруун хойд буланд. Багшийн өгсөн даалгаварыг хамгийн түрүүнд зөв хийчихдэг байсан юм. Нэргүй энэ 2.
Миний код дандаа алдаа заадаг. Тэгээд л Цоомооруу харж байгаад л гараараа дохино. "Хүрээд ир" гээд л... Тэгээд л нэг хоёр юм засаад л ажлуулчихдаг. Би чинь наана нь биширч байгаан бишүү. Ямар лаг банди вэ? Энэ бандитай нэг ангид орчихвол ч мөн гоё доо. Цаадах нүдний шилтэй банди ч гэсэн лаг юмаа/Нэргүйг хэлж байнаа./ гээд л боддог байлаа. Хоёулантай нь нэг ангид орчихмоор л байна гээд л...
Тэгээд намар 9 сард хамгийн эхний хичээл Мат орсон юм. Би хамгийн түрүүнд ангидаа орчихоод л хаалга ширтээд л сууж байтал ангийхан бөөнөөрөө шахуу цуваад ороод ирдэг юм байна. Дунд хавицаа нь манай хоёр ороод ирж байнаа.
Би гэдэг хүн Бөөн баяр хөөр болж Цоомоог угтаж байлаа... Даан ч найз охинтой болчихсон байсныг нь мэдээд урам хугардаг байхгүй юу. Өөөөө гэээд л....
аан тий. Нэг ангид орсны дараахан Шоо барьчихсан, Золоо энийг заагаад өг гээд л....Намайг эвлүүлж чаддаг гэж яаж мэдлээ дээ. Тэгээд л би Цоомоод шоо эвлүүлэхийг зааж өгөөд л илүү сайн танилцаж байсан байхгүй юу, хамаг хөлсөө урсгаад л. тэрийг нь тэгээчээ, одоо ийшээ ингэж эрүүлээрэй гээд л... тэгээд нэг өдөр номын санд орсон чинь надаар заалгасан шоогоо Отгоод/MM-4 сурдаг найз охин нь. Хөөрхөн эвлэгхэн охин. Хүчит хар л гэсэн үг./ зааж өгчихсөн сууж байдгийм даа. Цоомоод зааж өгдөггүй л байж гэж бодож билээ.
Хэ хэ тоглосон шүү. Манай Отгоо Цоомоо хоёр овоо удаан үерхэж байгаа шүү тэ ангийхаан? Ямар ч байсан 2 жил үерхэж байна. Энэ жилийг давчихвал ч хуримаа хийгээд нүсэр юм болох байх даа!!!
Манай ангиас хамгийн түрүүнд Цоомоо л хурим хийж үрийн зулай үнэрлэх байхдаа!!! Сайн аав болоорой!!!